النساء هاذم ما يمثلونيش

مريم دابي

تم استدعائي اليوم الى اقامة السفير الفرنسي للاحتفال بعيد المراة ترددت من بعد قررت نمشي ونوصل صوتي علاش لا في وسط ناس ما نعرفهمش.

امشيت نلقى صالة كبيرة معبية كراسي وكلها نساء لقيت ناس نعرفهم وناس اول مرة نشوفهم، قعدت مع صاحباتي في يدي كاس جو (عصير)، الحق قرولنا حسابنا خاطر 90% من الصالة تشرب في الخمر قول امورهم كل شاه معلقة من كراعها… وبداو يخطبو علينا فمسخولي وذنيا بالولادة الغير شرعية الي يحللوا فيها الى التناصف في الارث الى انو يسبو طرف سياسي يصفوه كشيطان وتونس الثورة لفظتو…

قمت من بلاصتي لانو الكلام هذا ما يمثلنيش مش متاعي سالت روحي انا فين فكري فين عيط للمنظمة قلتلها مش معقول نجي بش نسمع حاجات خارج قناعاتي ويني الناس الي تمثلني النساء هاذم ما يمثلونيش وخليتها وروحت.