تدوينات لحرية الرأي وثقافة الحوار كل حزب قادم على انتخابات يدرس تجارب متاع احزاب تقاسموا المرجعية او الافكار في دول أخرى… كما فعلت النهضة مع التجربة التركية مثلا…
لقائل أن يقول علاش ما اقتداتش الاحزاب الماركسية متاع المغرب بالجبهة الشعبية والنسج على منوالها خاصة بعد نجاحها الباهر في قطع الطريق؟؟
يا سيدي نقولوا ما جابوش خبر… علاش حمة ما نصحهمش؟؟
اش كان عليه كان بعثلهم لعماري يحكيلهم ع الانفاق متاع جبال الاطلس اللي تربطها بغزة؟ واش كان عليه كان بعث لهم الفة يوسف تخوفهم من حزب العدالة والتنمية وتنبههم من العرس باربعة نساء وختان البنات؟؟ اش كان عليه كان بعث لهم منجي الرحوي وزياد الاخضر يقنعوا الشعب المغربي اللي بن كيران هو اللي قتل بلعيد؟؟ اش كان عليه كان بعث لهم سمير بالطيب يحكي لهم على فوائد ال vote utile؟؟
الصحبة صحبة والنية ما فماش
