الڨرط تونسي أو لا يكون

الحبيب حمام
– توّ عجبوك اللي استقالوا من الهيئة العليا للانتخابات؟
ـ طبعا لا، هذا هروب من المسؤولية، كان المفروض يبقاوا، ويشاركوا في الإصلاح من الداخل، ويحافظوا على المسار الديموقراطي.
ـ لكن فمّه فاسدين في الهيئة، يبقاوا معاهم! ماهو يخرجوا، ويرفضوا التعامل مع الفاسدين.
ـ ما أحلاك! يخرجوا ويتركوها لشكون يا بابا؟ لليسار المتربص بالثورة؟ تي ماهو يعمل في خلاه ما ولاه، لا يا سيدي، إذا كان المهبول ياكل ويبه، العاقل ما يعطيها لوش.
ـ مالى شيعملوا؟
ـ يقعدوا، ويصلحوا اللي يقدروا عليه، موش ربي يقول: فاتقوا الله ما استطعتم.
ـ شنوه رايك في مشاركة النهضة في الحكم، وعدم خروجها منه وعدم تركه لليسار ليستفرد به؟
ـ لا، النهضة حكاية أخرى، انبطاح وخيانة للثورة.
قالك واحد ياباني بجنبهم سمع الحوار، انتحر، بعدما كتب وصية: الڨرط تونسي أو لا يكون.