تو نبعثلك ثلة من الصحافيين البرره

حاتم الغزال
قالك دونالد ترمب كي طاح في السنداجات الكل متاع نوايا التصويت في امريكيا وما لقى بيها وين كلم الباجي قالو يا باجي وخي إجريلي راني قاعد نغرق… قلي كيفاش عملت باش ربحت الإنتخابات ماني خوك…
قالو الباجي و لا يهمك… تو نبعثلك ثلة من الصحافيين البرره دخلهم يخدمو في الإذاعات والتلافز متاعك تو تشوف كيفاش في جمعه من زمان تصورخ في السونداج وتفوت كلينتون… ياخي باش تغلبك مرا.
اي عاد هوكا بعثلو طياره فيها مريم بالقاضي وسفيان بن حميدة وسفيان بن فرحات ولطفي العماري وجماعة موزايك الكل… وبعد جمعة كمل لحق حسن الزرقوني باش يعمل الصونداج…
طلعت النتيجة
15 % نوايا تصويت لهيلاري كلينتون.
35 % نوايا تصويت لدونالد ترمب.
50 % نوايا تصويت للباجي قايد السبسي.