الخميس ، 19 يوليو 2018
الرئيسية / تدوينات / تدوينات ساخرة / بوغلاب : واحات جمنة زرعها الفرنسيس

بوغلاب : واحات جمنة زرعها الفرنسيس

الحبيب حمام

بوغلاب : واحات جمنة كانت صحراء قاحلة و المستعمر الفرنسي هو الذي زرعها نخيل. انتهى كلامه. بجاه ربي قولولي: شكون زرعو في الإعلام هذا؟ ملّى زرّيعة! منين جبتوها؟

آخي فرنسا كانت تجيب في متطوّعين من باريس وتولوز ومرسيليا باش يخدموا تونس بلاش؟ ماهي احتلت البلاد، وفرّقت أراضي على الفرنسيس، وقهرت التوانسة باش يكونوا خداما عندهم بزوز سوردي.

أخّي المعمرين الفرنسيس جاو من فرنسا لملك أجدادهم؟ شكون كان يضرب بالمسحا، وشكون كان رجليه حفايا في السواقي يسقي في الطمام، في الأرض اللي عطاتها فرنسا للمعمرين؟ شكون كان يسني بالجمل؟ دانيال؟ هو يعرف يڨود الجمل؟ ماهو فرج ولد عويشة بنت حمدان هو اللي كان يسني بالجمل.

جاك وجون وفرنسوا وماتيو ولورون وفابيان وباتريك كانوا يحفروا في الأبيار وزفتوا في الكياسات؟ ماهو إبراهيم والصادق والعربي والمولدي ورجب وعمار وبشير وعيسى والتهامي كان الزفت يوصللهم للركايب.

شاهد أيضاً

رضا بلحاج قدم إستقالتو لروحو

ماهر العباسي رضا بلحاج عمل حزب كيما هاك الراجل الطيّب الي عندو باربيشات صغيرة الي ...

اترك رد