تدوينات لحرية الرأي وثقافة الحوار
الغير مأسوف على رحيلها سميرة المرعي بعد سنة كاملة في وزارة الصحة تحت شعار “الدوسي الي ما تحلوش ترتاح من مشاكلو”… بعد ما خرجت من الوزارة قالتلكم ثمة برشى دوسيات يلزم تتحل وخصوصا دوسي الفساد في المستشفيات العمومية… وقالتلكم بالأماره الي هي اكتشفت بعبقريتها الفذة اكتشاف مذهل يتمثل في كون بعض المصحات الخاصة يستعملو في الادوية متاع الصبيطارات…
شو يا مدام ايجا انقلك… بعض المصحات الخاصة يستعملو في الطبة متاع الصبيطار وفي المرضة متاع الصبيطار وفي الفراملية متاع الصبيطار يعني قعد كان الدواء الي مقلقك ؟…
ايجا انقلك حاجة اخرى هي اصلا بعض الاقسام في الصبيطار تشتغل كمصحات خاصة تستعمل الطبة متاع الصبيطار والمرضى متاع الصبيطار والفراملية متاع الصبيطار والدواء متاع الصبيطار وحتى اللوكال متاع الصبيطار… وهاذي سليم شاكر باش يفهمها تحبلو يعمل سبعة سنين ستاج في اروقة وقاعات المستشفيات وبعد يقرر يشد وزير الصحة والا يعدى الـ résidanat.
اكتشاف المزيد من تدوينات
اشترك للحصول على أحدث التدوينات المرسلة إلى بريدك الإلكتروني.
