تدوينات تونسية
إستفتاء إتحاد الشغل
ماهر العباسي
إتحاد الشغل عامل إستفتاء في الصفحة الرسمية متاعو : السؤال : انت مع إلغاء الزيادة متاع 2017 و 2018 ؟ ويعمل في مغالطة عامل توضيح قالك راو إلغاء موش تأجيل صرف الزيادة (بالطبيعة هذا كذب عيني عينك خاطر الزيادة باش تتأجل وبعد باش ياخذو فلوسهم كاملة ومعاها زيادة 2017 و 2018)..
حاصيلو فمة واحد عمل جواب طويل عريض يجاوبو الأدمين متاع الصفحة الرسمية متاع الاتحاد يقلو لا جاوب بلا أو نعم نحبو جواب قصير باش هكاكة تجيهم صفعة (يحكي عالحكومة)… فمة واحد جاوب بنعم يقبل التأجيل ياخي الأدمين تاڤالو إسمو وقلو مسكين انت… شفتو محلاها الديمقراطية شفتو محلاها النزاهة شفتو محلاها روح المسؤولية والكذا والشيء…