تدوينات ساخرة

توا هذي موش إهانة ؟

لسعد بوعزيزي

  • ستين سنة واحنا ماشي في بالنا مستقلين وبعد نكتشفو أنو تونس مقاطعة فرنسوية، هذي موش إهانة ؟
  • ستين سنة والمجاهد الاكبر يقول أنو تونس فقيرة ما عندهاش ثروات باطنية والتونسي ما عندو كان المادة الشخمة، وبعد نكتشفو أنو عقود النفط والملج والفسفاط عاطيها بورقيبة لفرنسا مدى الحياة ونكتشفو أنو ما أغبى من الليبي كان التونسي، هذي موش إهانة ؟
  • الليبي يجي يهز بنات توانسة يسكر بيهم ويعدي بيهم ليالي حمرا وبعد يطيشهم من البلكون، هذي موش إهانة ؟
  • بنات توانسة يتباعو في السعودية جواري بألف ريال، هذي موش إهانة ؟
  • شايب فوق التسعين يدخل قرطاج بعد ثورة قامو بيها شباب، هذي موش إهانة ؟
  • ماخورات حلهم بورقيبة في كل ولاية ونساء تعرض في أرواحها للبيع بـ 7 دنانير باسم الدفاع على المرأة، هذي موش إهانة ؟
  • رجال العمايل سنين وهوما يوكلو في الشعب التونسي في لحم البهيم ويقولولو راو لحم علوش، هذي موش إهانة ؟
  • وقف ممثل عرى علينا روحو قلنا ميسالش، زاد من غدوة تعرات علينا صاحبتو، هذي موش اهانة ؟
  • 8 سنين مسيبين عليتا كمشة قرودة يرقصو علينا في التلافز وكل مرة جايبين لينا خبورات تضحك البهيم يستغفلو في عقولنا، هذي موش إهانة ؟
  • أنا نكون تونسي بجاه ربي ومنذر قفراش تونسي، هذي موش إهانة ؟

اترك رد

مقالات ذات صلة

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock