أكثرشي مالوضوح هذا ؟
• حزب الرئيس يتهم رئيس الحكومة والأمن الرئاسي بمحاولة إنقلاب.
• نبيل القروي يبعث الكرونيكور متاعو يعمل حملة السترات الحمراء.
• إتحاد الشغل يشعل النار ويعلن الإضراب العام في الوظيفة العمومية (إنجمو نتفهمو خاطر الحكومة ماحبتش تزيدهم) وفي القطاع العام (إلي خذاو زيادة ممتازة وفرحو وأمورهم ستة زيت علاش يضربو حوز تفهم).
• إضراب في التعليم الثانوي يؤدي إلى خسارة ثلاثي كامل ويخلط عليه إضراب في الإبتدائي هكاكة فقط تضامن. من غير حتى مطلب.
• إضرابات عشوائية في نقل المحروقات تبلوكي البلاد.
• إضراب في نقل دبابز الغاز نهار 17 ديسمبر في طمبك البرد.
• تعطيل إنتاج الفسفاط.
• عملية إرهابية في الڤصرين تغتال شقيق شهيد.
•••
يا توانسة يلي عندكم أولاد تربيو فيهم وتكبرو فيهم وتقريو فيهم… هذا تحالف إستراتيجي يجمع بيناتهم هدف واحد هو ضرب الحكومة… وبما أنو الحكومة صمدت وتعدات في التحوير وفي قانون المالية قررو باش يشنو الحرب على الدولة..
يا تونسي تنجم تكون معارض للحكومة وهذا حقك وواجبك وشد الشاهد فتقو من بعضو أما عمرك ما تتحالف مع أعداء الوطن الي مصلحتهم هي تشعيل البلاد في الأيامات الجاية.. ايجاو نضربو مع بعضنا الناس الكل ضد أعداء تونس وبعد في الإنتخابات كل شاة تتعلڤ من كراعها.