تطبيقا لتعليمات رئيس الجمهورية

حاتم الغزال

أولياء التلاميذ الي عملو مشكله في مدرسة صفاقس جابولهم البوليسية فشخوهم بطريحة وهزوهم لرئيس المركز…

– رئيس المركز : موش عيب عليكم تهينو في المعلمة متاع صغاركم وتتهمو فيها بالفسق وتكفرو فيها.
• ولي تلميذ : الله غالب غلطونا وسامحونا… احنا كنا انطبقو في التعليمات لا أكثر ولا أقل.
– ايوااااه الحكاية مالا فيها تعليمات… ايا هاتو الصحيح… تابعين خلية تكفيرية انتوما مالا.
• لا يا سيدي خاطي خوك.
– مالا شكونو هالداعشي الي يعطي فيكم في التعليمات؟
• يا سيدي ماهو رئيس الجمهورية قال على حمه فاسق واحنا نعرفوها المعلمة من جماعة حمه عاد تطبيقا لتعليمات رئيس الجمهورية قلنا عليها فاسقة لا أكثر ولا أقل…
هذا وقد شوهد رئيس المركز ليلة امس يشطح في تريكو خلعة ويشلط باللام على انغام اغنية: #عايرونيبيكها_حمه.