بوليتيك

منجي باكير
نقولوا واحد يعمل في البوليتيك معناها في قاموس اللهجة الشعبية التونسية واحد يسلّك في أموره بطرق إلتوائيّة وتمويهيّة باش يقضي حاجتو ويعدّيها، وعلى هذا بعد الثورة وانفتاح باب الحريّات على مصراعيه وبدون مقدّمات ولا تدرّج وتحضيرات كل واحد سوّد وجهك تكون فحّام، وزاد الإعلام نفخهم وقدّمهم بعنوان سياسيين.
يا هل ترى الحكومة والأحزاب والمعارضة والشعب زادة قاعدين يمارسوا في السياسة على أصولها وبمتطلّباتها وإلاّ هم يعملوا في البوليتيك وأكهو ؟
فعلا اللي نشوفوا فيه في مجمل الحراك السياسي القائم هو أنّ الجميع حُكم ومعارضة الكلّهم يعملوا في البوليتيك بعيدا عن مفاهيم السياسة بكل تشعّباتها ومقاصدْها،،، وأكثر من هذا ما عندناش رجال سياسة بالحقّ وأكثر من هذا ما عندناش رجال دولة…!
عندنا كان البوليتيك حتّى يرحم الله هذي البلاد وأهلها….