تيهاو طلع كائن فيسبوكي يتبع أول بأول ويرد زادة أول بأول!!!
الأمين البوعزيزي
ما دمت تعتبر تونس دولة وشعب، سلامة رئيسها شأن عمومي يتطلب الشفافية والوضوح التام أول بأول. لكن يبدو أنك تتصرف باعتبارها غنيمة!!!
من تحدثوا عن الشغور جماعتك (مش مقاوميك)، على خاطر تعدى عليهم أسبوع رعب وكروشهم تجري !!!
الاستدلال بصنيع بورڨيبة تدليل أنك تتصرف باعتبارك الدولة مش مجرد رئيس منتخب في دولة ديمقراطية!!!
النيابة العمومية برأت الوفود الدبلوماسية المعتمدة في تونس. آش عملنا اللي اعتقلتهم بتهمة التآمر مع السفراء… راهو النيابة العمومية لسان الدولة مش المعارضة!!!
آمس حبّيت تخرج تعبر عن فرحك بنزول دموع السماء. هذا راهو صنيع مزارع غلبان ما عندو كان رحمة ربي، مش رئيس دولة سطا على كل السلطات، الدولة تتحمل مسؤولياتها مش تكتفي بالدعاء. على فكرة احترم شوي مشاعر علمانية الدولة، راهم جماعتك يتألمون ولا يتكلمون😏
تتحدث موجوعا عما أسميته سقوط أخلاقي لمتهافتين على السلطة يتحدثون عن الشغور. ماذا نسمي الاغتيال الرمزي عند كل ظهور لترذيل وهتك أعراض وتخوين المتمسكين بحقهم في العيش في ظل دولة حديثة قانون ومؤسسات مش في ظل إمارة قروسطية!!!
نتذكر منين مرض سي الباجي (رحمه الله) التوانسة الكل معارضيه قبل أنصاره انشغلوا عليه وتضرعوا لله يشفيه، زعمة علاش انقسم التوانسة!!!
التوانسة عندهم عام وثمانية شهور من غير رئيس😏
تتحدث عن الشعب الذي أراد، ما تنساش أنك طلبت موقفه ثلاث مرات وقاطعك بعشر تسعات، رغم انك تجري وحدك جيت السابع من نوفمبر😏
الرئيس اللي ما يوحدش شعبو معناه فقد صفة رئيس.
#تونس_المختطفة
✍🏿#الأمين