fbpx
الجمعة , 12 أغسطس 2022

حركة الشعب والمنقلب شكرا على تفهّمكم

نور الدين الغيلوفي 

العلاقة بينهما مثيرة فعلا، مثل شخص واقف أمام موزّع بنكي ينتظر سحب المال ولا يفهم أنّ الجهاز معطَّب.
بدأت العلاقة من ليلة فوز الرجل بالانتخابات عندما هرول إليه الثنائي زهير وسالم في تلك الصورة الجامعة المانعة.

زهير المغزاوي وسالم الأبيض يزوران رئيس الجمهورية قيس سعيد
زهير المغزاوي وسالم الأبيض يزوران رئيس الجمهورية قيس سعيد

ذهبا إليه، بلا دعوة، فاستقبلهما ❗
برّا نقولو ماشيين يباركو ولا أحد يعلم آش يهزّوا معاهم.. الدنيا ليل والمحلّات مسكّرة…
– آش عندك يا زو؟
– عظيمات عربي.. وأنت يا سو؟
– حتّى نِي
– برّا فيه البركة نهزّوهم.. يسدّو…
هزّوا خوك زو وعمّك سو العظيمات وقصدوا المنيهلة..
حطّو عظيماتهم الكل تحت الراجل
والراجل ساكت…
ثمّ تطوّرت العلاقة خطوة لمّا جاء زهير بالفكرة العبقرية حكومة الرئيس.
والراجل ساكت…
ثمّ كان زهير في كل مرة يتشعبط في سور قصر قرطاج ماشي في زيارة الرئيس. مالا واشي؟
مرة هازز معاه هيكول الأغرّ ومرّة هازز ليلى المحامية اللي تعرف..
والراجل ساكت…
– سيدي
والراجل ساكت…
– يا سيدي
والراجل ساكت…
– سيدي الرئيس.
والراجل ساكت…
– هيا نتحاورو
والراجل ساكت…
– سيدي نادينا
والراجل ساكت…
– ماك تحب لطيفة.. يا سيدي مسّي علينا
والراجل ساكت…
– أو صبّح حتّى بكلمة
والراجل ساكت.
هيّا.. هم هكّاكا وجاه نعي رئيس الإمارات خرج يجري ضرب العظيمات تكسروا كلهم.
حط خوك السو إيده على راسه.
الكلّه منّك يا زو.
هذا الكل على خاطر الموزّع ناطق بالأنجليزية.. وخوك زهير عقوبة ربّي.. يسمع في كلمة Thank you
يظنّ الموزّع مرحّبا بينما الرسالة تقول:
الجهاز معطّب.. شكرا على تفهّمكم.

شاهد أيضاً

حرقة شعب… الشعب يريد أن يحرق…

نور الدين الغيلوفي  1. جاءتنا مرويّات القدامى بأنّ طارق بن زياد لمّا عبر البحر إلى …

سيبوا النهضة

نور الدين الغيلوفي  السياسي الذي يفشل في الانتخابات.. النهضة وراء فشله. الحزب الذي يعجز عن …

اترك رد