fbpx
الثلاثاء , 13 أبريل 2021

“أنفخ ع الولعة يا كريفة”

الخال عمار جماعي 

الرئيس والشيخ وهشومة

باح الخير سيدي الرئيس.. حبيت نصبّح عليك وأنت مازلت في الفراش باش نقولك ردّ بالك تسلّم للجماعة ولاّ تتراجع.. شدّ صحيح سيدي الرئيس راهي لحكاية موش حكاية قسم وتعدّى.. راهم يحبّو يعملوك طرطور.. وتنفذّ إلي يحبوا هوما يعدّوه.. تمشيش تتراجع ولا ترخّ؟!.. “الرّخ لا”.. ياخي أنت شوية في البلاد؟ راك رئيس وإلّي تحبه يمشي يمشي وإلّي يحبس يحبس.. هيا برّه أشرب قهوتك وكفّنها بوحيّد كريستال.. وسكّر تلفونك !

السلام عليكم سيدي الشيخ.. عارفك كمّلت الصلاة والأوراد وقاعد تسبّح توة.. شوف سيدي الشيخ حكاية قيس سعيّد حكاية فارغة.. البرلمان هو الكلّ.. الشرعية الأصلية عندك.. وهو ايش كان عليه كان عدّى القسم؟! متقوّى بالمعارضة؟ تي المعارضة ماهي حاولت تطيّحك وما نجمتش.. أنت أقوى واحد في البلاد تمشيش تتنازل ولا تتراجع؟ ماني نعرفك تكتاك يا شيخ.. عندك بارشا مداخل دستورية تنجم تلعب عليها.. توة يركحلك بالسيف عليه.. هيا نخليك سيدي الشيخ تكمّل تسبيحك.. تلفونك طايح شارج؟.. خليه خليه..

أهلا هشّومة.. يا خويا محلاك وأنت في كرسي الوزارة الأولي.. موهّر صاحبي.. حتي أنت راك الفاتق الناطق في البلاد.. المدير التنفيذي الوحيد.. البقية خدّامة عندك… شوف عاد هذي فرصتك باش تثبت للجميع أنّك ماكش خمّاس عند حتّى حدّ.. مازالشي توة ؟.. زوز قراريم يلعبوا بولد الإدارة؟! هاكة ايش مازال يا هشّ.. شوف ساااحبي، الحلّ عندك أنت.. ابعثهم واخدم على روحك وهذي فرصة باش تثبت أنّك الرئيس الفعلي للبلاد.. تلفونك سيلونسيي ماهو كالعادة؟.. هيا أطلب كاس عصير برتقال.. واستكوزا تفرّج.

إعلان : فمّة بارتي متاع نطيح أكباش في البطحة.. الفرجة مضمونة.. “انفخ ع الولعة يا كريفة” 😜😜😜

“الخال”

شاهد أيضاً

إلى أين أنتم ذاهبون بمعركتم مع “الغنوشي”؟

الخال عمار جماعي  أعتقد أنّ معركة العشر سنوات الماضية كان لها عنوان واحد: “إزاحة الغنوشي …

نحن في حاجة لزعيم أغلبي وزعيم معارضة

الخال عمار جماعي  عادة ما أقرأ لأصدقائي ذوي الأطروحات المتناقضة رؤية ومعنى قبل الخوض في …

اترك رد