الأربعاء , 25 نوفمبر 2020

مبادئ المافيا التونسية وقواعد عملها وهي قواعد أساسية قابلة للتعميم عربيا…

نور الدين العلوي 

أولها… لا تظهر في الواجهة…

  • 2. تخفي وراء أشخاص طموحين وفيهم الريحة… يمكن شراؤهم بكعبة شراب وهبرة امسخة… (الشراب يخفف حاسة الشم).
  • 3. تودد للسياسيين النظاف وحشمهم على أرواحهم… بهدية وهم قلة ما تخافش وكلام عسل ومعارض لهم في وقت واحد… لتنمية شعورهم بالديمقراطية…
  • 4. اعمل تيو صحيح في الإدارة… خاصة موظف عندو صغار وواحل في قرض والا زوز… ومرتو صغيرة ومزيانة وعينها واسعة والا مرا قريب يفوتها القطار… وتفكر في إخفاء أول الشيب رد بالك من الفرخات الجدد الفرخانات بشهائدهن… وساقيهن في الركاب.
  • 5. دبر محامي زنس كلب يفهملها وعندو ريزو في القضاء… ويقعد في نادي خاص… في سكرة وشاري سانية في الوطن القبلي…
  • 6. تعرف على ديواني باهي مش رتبة صغيرة ومش كبيرة ومتورط في حاجة قبلك… وقبيح شوية مع عروفاته ومصوحب النقابة.
  • 7. شوف حد في وزارة التجارة والتراخيص وعشيه في حلق الواد والا اللج الأزرق اذا ناوي على كبير.
    قبل الواحد وقبل كل شيء فكر وعش على أن الشعب الذي تراه في الطريق هو كمشة بهائم مغلقة تأكل في القرط…
    قبل قبل الواحد رد بالك تظن أن الشعب ذكي وانه فائق بيك… وانه مثقف ويفرز الباهي من الخائب.
  • 10. ادخل توا على التنمية المستدامة بالتوريد واحك على البلاد المنهارة وتنجم اذا حصلت في قعدة ثقفوت تحكي على الثورة المغدورة…
    مسموحلك باش تسب الرئيس في حضور المثقفين وتسب النواب في حضور السياسيين وتسب المثقفين في حضور الفلاحة…

انده… الثروة لك والسلطة… والمستقبل…

ديمقراطية مريضة قابلة للمداواة

شاهد أيضاً

في تونس الشعب يريد دولةً جديدةً

نور الدين العلوي  إنها ليست جريمة أن يفكر المرء في تغيير شكل الدولة وتغيير طبيعة …

عن الحمار الذهبي والتنمية في تونس..

نور الدين العلوي  زيارة ثانية لبلد خليجي ولكنها ليست زيارة تعزية، يجب أن نحمد الله …

اترك رد