السبت , 28 نوفمبر 2020
نصر الدين السويلمي

وعْـــــــــــــــــــلاشْ تو بالتحديد ؟!!!

نصر الدين السويلمي 

وعلاش سعيد ما ترقبش حكومة المشيشي وعطاها الأمر بإقالة الطبيب ووكيل الجمهورية وشخصيات أخرى في مناصب حساسة؟
علاش يعرّض في روحو للانتقادات ويخلي في حكومة مقالة تقيل في وزراء ورؤساء هيئات وشخصيات مرموقة في الدولة؟!
وعلاش ما يعتمدش التدرج ويقوم بعملية مدروسة وينقيها من الشبهات ويخدمها مليح؟
علاش يستعجل ويعتمد البريكولاج في عملياتو وتحسو مزوب ياسر موش شوي؟!

• الجواب موش صعيب للي يتابع بدقة ويراقب في سلوكات الرجل ويرجع لأرشيفو بعمق وتركيز..
سعيد يدرك الي عامل الوقت مهم جدا، والي الأحزاب ماهيش باش طول غفلتها وباش تفيق بيه بدا يمضغ في لحمها.. وقتيتها باش ترد الفعل بقوة وبشكل جماعي وباش طيح يسار حساسيات ومناكفات وصراعات، لاني معارك الأحزاب تدور حول إضعاف الخصم، وابتزازه وارتشاف شعبيته.. ومعركة قيس مع الأحزاب دور حول الإعدام النهائي مع إتلاف الجثة والتعتيم على قبرها.
سعيّد زادة يحب يستغل الفخفاخ الي يبحث عن الحماية اقصى ما يمكن، في حاجة ملحة ليها خاصة وقت يغادر السلطة.. قدملي خدمات نوقف بعد في وجه أي محاسبة ليك ونساعدك باش تعاود عملية الإقلاع المالي مع شركاتك..
سعيد زادة يحب يستعمل حكومة الفخفاخ في الراتيسّاج والتمهيد والتسوية وإزاحة العراقيل، باش المشيشي كي يجي يلقى التيران حاضر يدخل طوالي في إقامة مشروع سعيّد.

شنو دخل الطبيب بقيس سعيد!؟
لا عاد لازم نفهموا الي سعيد سخي مع العناصر الي تخدم ليه في مشروعو، لازم يقدم حاجة للفخفاخ وباش يقدم برشا حوايج للمشيشي.. قلنا الأشخاص موش الأحزاب، لانو سعيد يتعامل مع الأحزاب الي تخدم فيه كيما تعامل هتلر مع الي خانوا بلادهم.. قالوا لهتلر من أحقر الناس ؟ قال: “أحقر الأشخاص الذين قابلتهم هم هؤلاء الذين ساعدوني على احتلال بلادهم”.. فسعيد يحتقر إلى حد العظم الأحزاب التي تساعده اليوم على حل نفسها!!! وشطب الانتخابات التشريعية والذهاب إلى اللجان الشعبية.
قيس سعيد قال “لا انتخابات تشريعية وعصر الأحزاب انتهى”.
قيس سعيد استقبل مصممة ملابس زوجته في القصر ورفض استقبال رؤساء الأحزاب الكبرى للتشاور حول تشكيل الحكومة، واشترط عليهم إرسال مطالبهم مكتوبة فأرسلوها أول مرة وألقاها في سلة المهملات ثم أرسلوها مرة أخرى فالقاها في المزبلة واختار المشيشي.
قيس سعيد استقبل الدكتاتور عبد الله بن زايد ولم يستقبل الدكتور المنصف المرزوقي!!!

شاهد أيضاً

إسمع يـــــــــا مهبــــــــــــــــــــــول..

نصر الدين السويلمي  قال أئمة في فرنسا أنّ ماكرون قام بإقصائهم من أي حوار واستبدلهم بأشخاص …

هذه رسالتنا يا ماكرون فأرينا رسالتك..!

نصر الدين السويلمي  ما أعظم هذا الدين، وما أحلى هذا الإسلام الشّامخ الخالد، ما أصدقه وما …

اترك رد