الثلاثاء , 27 أكتوبر 2020

أيوب مات وما ستناش..

نادية فارس

كارثة في مستشفى ڤابس البارحة.
أيوب (مالحامّة)، ملايكة عمره عام و4 شهور وعنده ضيق تنفس.. تعكرت حالته البارح في الليل وطبعا المستشفى المحلي بالحامة ما ينجموش يسعفوه فاضطرّت عايلته تهزّه لڨابس وغادي وين صارت الكارثة
في ڨابس الإطار الطبي وشبه الطبي في الاستعجالي أول ما سمعو بيه “حامّي” تفجعوا وڤالوا لأمه المشوية على فلذة كبدها بين يديها
أڤعدي غااادي بعيدة انتم مالحامة الكلكم عندكم الكورونا ما نجموش نسعفوه كان بتحليل ڤبل 😱

أمّه ڤاعدة بيه في القاعة اكثر من ساعة ونص وهو حالته ماشية وتسوء ومش منجم يتنفس
بعد ما عملوا التحليل تفكرو وقتها انو لازم يركبوله جهاز التنفس، همّا خايفين على رواحهم من ملايكة ڤاعد يموت بين ايدين أمّه اللّي عطوها الدبابز وجهاز التنفس و ڤالولها شدي وحدك ريڨلي أمورك ما نجموش نمسوه كان ما تطلع نتيجة التحليل..
هي تڤوللهم كيفاش وحدي وولدي في حملتي وهمّا يڤولولها هذاكا هو الموجود ماكانش استني.. لكن فات الأوان… أيوب مات وما ستناش.. أيوب حلمة وتقصفت.. فرحة وتغدرت😢
أيوب ما ماتش بالكورونا اللي همّا خايفين منها..
أيوب مات من إهمالهم ليه وتقصيرهم في حقه وخوفهم منه مش عليه..
أيّوب كان ينجم يعيش لو لڤي فرملي يسعفه ويحطله أوكسجين..
أيّوب كان ينجم يعيش لو الاطار اللّي في السبيطار حسّوا بيه و كأنّو ولدهم.
ذنب أيوب ووجيعة أمّه وبوه في رڤبة كل من تخاذل ومن قصّر في حقه..

•• بالمناسبة التحليل طلع سلبي

شاهد أيضاً

كنت سأترحّم عليك ولكن …

نادية فارس  المنصف الشلّي، ومن لا يعرف ذلك الرجل، أنا شخصيًّا كنت أتابع برنامجه المشهور …

أنت من الحامّة اقعد غادي…

نور الدين الغيلوفي  أيّوب القتيل خفقة قلب صريع ••• أيّوب جاء يتفقّد مخزن الصبر في …

اترك تعليقاً

لن يتم نشر عنوان بريدك الإلكتروني.