fbpx
السبت , 23 يناير 2021

دبلوماسية النعامة.. مؤتمر برلين حول ليبيا

نور الدين العويديدي

بصراحة اللي مازال باش يحكي لي على عراقة الدبلوماسية التونسية وعلى 3 آلاف سنة حضارة باش ندخل فيه طول وعرض.

على خاطر عراقة دبلوماسية النعامة متاعنا، الإمارات ممثلة في مؤتمر برلين حول ليبيا.. والكونغو اللي ضاربتنا الدعوة ونعتبروهم عايشين في أدغال إفريقيا ممثلين في مؤتمر برلين حول ليبيا.. وتونس الدولة المجاورة لليبيا، واللي فيها زوز ملاين ليبي، واللي كي تقوم عجاجة في طرابلس تعمى عيون اماليها ماهياش ممثلة في مؤتمر برلين.

دبلوماسية النعامة والمواقف الرخوة التافهة متاع دبلوماسيتنا هي اللي أهانت تونس ومرغت أنفها في التراب.. شكون هي الإمارات باش تحضر وتونس ما تحضرش..

الإمارات تحضر موش على خاطر قوة عظمى وإلا على خاطر دولة غنية.. السعودية أكبر وأغنى منها.. الإمارات تحضر على خاطر مهما اختلفنا معها واخذة موقف وتقاتل من أجله. نازلة بقوات وتحارب في ليبيا دفاعا على ما تعتبره مصالحها.. ونحن التوانسة مواقفنا مايعة ومترددة، وإعلامنا شاريته الإمارات، ودبلوماسيتنا بايعة الطرح، وسياسيينا يتناطحوا موش لاهين بتحقيق مصالح تونس..

المواقف المايعة الرخوة ما تجيب كان الحقرة لأصحابها.

شاهد أيضاً

مات صائب عريقات بعد مسار تفاوضي عبثي

نور الدين العويديدي  في مستشفى إسرائيلي مات بالكورونا كبير المفاوضين الفلسطينيين صائب عريقات.. مات صائب …

حتى لا يقع الرئيس في الخديعة الرابعة

نور الدين العويديدي  سأحدثكم اليوم عني وعن السيد الرئيس المفدى وعن الشبه الكبير بيني وبينه، …

اترك رد