بهدوء شديد وباش مايغلطوكمش
ماهر العباسي
- ليبيا فيها زوز قوى
⇐ الشرق الي هو تابع حفتر القريب من الإمارات ومصر والي صرّح أنو تونس عدو خاطرها دولة فقيرة طامعة في ثروات ليبيا (الفيديو موجود).
⇐ الغرب الي هو تابع السراج الي هو معترف بيه من الأمم المتحدة والي هو قريب من الإسلاميين يعني تركيا وقطر.
الزوز قوى هذومة قاعدين يتحاربو
- في وقت الباجي تونس عدات السلاح القطري لليبيا وبعد الباجي كي سألوه عن الحرب في ليبيا قلهم وقت يوفالهم الكرتوش أتو توفى الحرب.
- قيس سعيد (الي بالنسبة ليا قاعد يزلط في برشة مواضيع) عمل مبادرة وقابل السراج رئيس الوزراء المعترف بيه في الأمم المتحدة وقابل ممثلي مجلس القبائل الليبية الي فوضوه باش يحكي بإسمهم.
- تركيا عملت إتفاقية إقتصادية وعسكرية مع السراج وقاعدة تعمل في مفاوضات مع ألمانيا وبريطانيا وروسيا باش يعملو مؤتمر دولي حول ليبيا في غياب تام لتونس.
- بعد المبادرة متاع قيس سعيد صار نقاش مع إردوغان وعلى ضوء النقاش هذا إردوغان اتصل ببريطانيا وألمانيا وروسيا وقلهم تونس يلزم تحضر مؤتمر برلين (الي هو باش يجمع الليبيين الكل) وجاء لتونس في زيارة عمل باش يسمع رؤية تونس للحل.
⇐ المتضرر الوحيد مالموضوع هذا هو حفتر والإمارات ومصر الي حبو يحتلو ليبيا بقوة السلاح ويستغلو ثرواتها والي بالطبيعة مايساعدهمش حتى اتفاق.
⇐ تونس الي كانت منسية ومهمشة وتستنى الكرتوش يوفى باش الحرب توفى والي وقت الباجي كي صار مؤتمر على ليبيا تعمل في المغرب تالمون احنا طافين… اليوم بالمبادرة هذي رجعت في الكورسة ورجعت مؤثرة وعندها كلمتها وبالطبيعة كان تنجح الوساطة هذا باش يترجم بعلاقات قوية ودونك بالإستثمار والمبادلات ودونك تونس ربحت.
⇐ دونك تونس ربحت والإمارات خسرت هوني عندي سؤال: الجماعة المهسترين والمغششين تابعين تونس والا تابعين الإمارات خاصة واني نتفكرهم بلڤدا بالواحد بالوحدة وقت الإمارات اهانت النساء التوانسة ومنعتهم من السفر خرجو يدافعو عن الامارات… والسلام
