الشعب التونسي الكركار

حليمة معالج 

#موش_صحيح
موش صحيح ما يتم الترويج له من كون الثورة التونسية جات في ظرف اقتصادي عالمي حرج.
الثورات ما تختارش توقيت اندلاعها.

الصحيح هو أن الثورة التونسية جات في بلد شعبه يصوّر 100 دينار ويحب يصرف زوز ملاين.
شعب شبابه يكره الخدمة وما يعطيش حتى قيمة للعمل.
شعب الشباب متاعو يحب ما يقراش ويشد مسؤول في بيرو.
شعب الشباب متاعو يرفض يتعلم صنعة على خاطر يحشم كيف يقول نخدم دهان والا plombier والا جنان والا صبابطي، وما يحشمش وقت يصبح راقد لنص النهار ويطمع في زوز فرنك تجيبهم امه واخته اللي من الفجاري وهوما يخدموا في الديار وفي المعامل.
شعب الشباب متاعو يحلم باش يولي مليونار وهو يعدي النهار وما يجيب النهار قهوة تهز وقهوة تجيب.
شعب الشباب متاعو يخاطر ويغامر بحرقة في فلوكة مكسرة، وما يغامرش يتعلم صنعة ويقتحم سوق الشغل.
لا تتسببوا بالوضع الاقتصادي العالمي ولا هم يحزنون،
العلة في الشعب التونسي الكركار متاع عقلية نحب خدمة مسمار في حيط.