للمرّة الثانية على التّوالي يفشل الإرهاب في مدّ يد المساعدة لكلاب الدّم باش يربحو معركتهم السياسية… رغم الخدمة الممتازة إلي خدموها لتحضير الشعب التونسي وإقناعو أنّو الغنوشي ضغط على زرّ الإرهاب.. ورغم التصريح الإعتباطي والخطير للباجي إلي قال فيه أنو النهضة تهدد فيه…
أنا مجرّد ناشط فايسبوكي صدمني تصريح الباجي وكنت متأكد أنو الإرهابيين باش يستغلوه باش يحاولو يقتلو جنودنا باش يبثو البلبلة والفتنة وهذاكة إلي صار ساعات بعد تصريح الباجي… والدليل أنو العملية كانت فاشلة وموش مخطط ليها بلڤدا… فقط المهم كان الضرب بسرعة باش كلاب الدم يخرجو في البلاتوات يربطو هذا بهذا…
وإنت سيادة الرئيس عندك المخابرات والجيش ومجلس الأمن القومي وجيش مستشارين مافهمتش أنو تصريح بالخطورة هذي ممكن يمثل فرصة للإرهابيين باش يغتالو جنودنا ؟ كان ماكش فاهم فتلك مصيبة وكانك فاهم فتلك الطامة الكبرى.
على كل… بعد فوشيكة الحبيب بورڤيبة والعملية الفاشلة متاع البارح… نحب نقول لكلاب الدم البركة فيكم… وتحيا تونس.
