حزب حاكم أم ماكينة إعادة إنتاج الفساد ؟

عايدة بن كريّم
كناطرية ومُهرّبين ومُتهرّبين وبيّوعة وسماسرة ومرتشين ونوّاب يشتغلوا تحت الطلب ومُقاولين إعلاميين يخدموا بالقطعة… وعلى بعضو وكلّ شيء بدينار.
المُختصّون في شأن الإرهاب ربطوا الإرهاب بالتهريب وبالإقتصاد الموازي لكن أظنّ أنّ الفرضية غالطة وعلينا أن نبحث عن مُتغيّرات أخرى، صناعة الإرهاب تشتغل بماكينة أكبر من التهريب ومن الإقتصاد الموازي متاع بو منديل وسوق اللجم والمنصف باي…
الفساد الكبير في “المخزن” والإرهاب صناعة مخازنية يشتغلوا داخل سوق نظامية مُلبرلة ومُعولمة ومفتوحة على الأسواق العالمية… أمّا الجراية وجماعته يتعلّموا في الزلق في بيت الصابون: “هوّاة”.
معركة “ضدّ الفساد” هي معركة داخل حرب ضدّ النيو-ليبرالية وضدّ الرأسمالية المتوحّشة وضدّ التبعية الإقتصادية والإرتهان للآخر… معركة “ضدّ الفساد” تبدأ بوعي مواطني يُميّز بين المعارك والحروب.