التنسنيس موش جوّي 3 أبريل، 2017 سارة مرعي نعمل في تفقيدة للكونط متاعي نلقى وحدة اسمها فرح عملت جام على تصويرة عندي ?? .. دخلت للكونط متاعها نلقاها كاتبة ستاتو متعاركة مع صاحبتها إيناس?? … دخلت لكونط إيناس نلقاها مهبطة تصويرة صاحبتها سندس وكاتبة “عشوية تفتتتتّق” ??… عملت هكة دخلت لبروفيل سندس جوست باش نفهم الحكاية نلقاه عيد ميلادها ?? … اما المشكل انو مهبطة تصويرة العيد ميلاد ومركية فيها صاحبتها عبير وقالتلها راني متغششة عليك ?? … دخلت لبروفيل عبير نحب نعرف شنوة صار… لقيت عبير كاتبة ستاتو ديزولي سندس ما نجمتش نحضر راهو فوفا في السبيطار?? … مشيت نشوف في فوفا بالكشي حالتها خطيرة .. ما لقيت شي بصراحة اما لاحظت انو الكومنتارات الكل يحكيو انها متعاركة مع صاحبها طارق وبكلهم يعملوا في ماركاج لكونط طارق ?? … بصراحة ما حبيتش ندخل لبروفيل طارق خاطر التنسنيس موش جوّي وزيد ما نحبّش نعرف حكايات العباد ??? مقالات ذات صلة رسالة إلى الإمام الغائب محسن مرزوق – عجّل الله ظهوره محاولة في علم الاخشيديات
