ماهر العباسي
مرا حبلى في الشهر السادس صارلها تعفن يستوجب إجراء عملية قيصرية لإنقاذ الأم.
الجنين هبط يوزن 1,22 كغ قلبو ساكت ومايتنفسش معناها ميت… الطبيبة حسب جميع قوانين الطب في العالم يلزمها تعملو إنعاش لمدة عشرين دقيقة تنفسو وتحاول تخدملو قلبو… وحسب جميع قوانين الطب في العالم بعد عشرين دقيقة تعلن الوفاة وتوقف الإنعاش… الطبيبة عملت 25 دقيقة وبعد كلمت الطبيبة الي اكبر منها وقالتلها الي هي باش توقف الإنعاش حسب ماتقول بيه جميع القوانين الدولية.
من غدويكة البو يتهم الطبيبة انو ولدو حي… معناها في الانعاش والتنفيس الاصطناعي والدوايات قلبو ساكت وبعد كي سيبوه 16 ساعة وحدو ولى حي وهو عمرو ستة شهور.
يهبط قاضي التحقيق يحشي الطبيبة في الحبس بتهمة القتل العمد ومايسمعهاش نهار السبت والأحد والإثنين.
أنا مانعرش شنوة رايكم أما أنا يظهرلي البلاد هذي يلزمنا نهجو منها اليوم قبل غدوة !!