عبد اللطيف علوي
– سيدي الرئيس هاو الغنوشي قاعد يسافر البرّه ويعمل في اتصالات من وراء ظهرك…
– ما فيها باس، وراء ظهري ولاّ قدّامو موش مشكل…
– سيدي الرئيس هاو الغنوشي يقول الإسلام الغاضب، والكذا والشّيء…
– يا بنتي فكّ علينا من الغنوشي يهديك ويصلح رايك…
– سيدي الرئيس بالحقّ ترامب باش يدقدق ويفتفت الإسلام السياسي؟
– قتلك منامة عتارس… عيش بنتي فكنا من السياسة…
– سيدي الرئيس ماكمش باش تعملوا جبهة جمهورية… (يا ربي يقولها ضدّ النهضة)
– لا بطلنا، باش نعملوا أمّك حوريّة…
– سيد الرئيس، شكونهم الأعداء اللّي في ثوب الأصدقاء (يا ربّي يقول الغنوشي..)
– يا بنتي برّي زهّزي… وهزّي معاك ها البوكريشان خلّيني نرقد… يا والله عملة عملتها في روحي ها الليلة الكلبة…
(إلى اللقاء في الحلقة القادمة من مسلسل : مريم على صفيح ساخن).
وهزّي معاك ها البوكريشان خلّيني نرقد
![عبد اللطيف علوي](https://tadwinet.net/wp-content/uploads/2020/12/%D8%B9%D8%A8%D8%AF-%D8%A7%D9%84%D9%84%D8%B7%D9%8A%D9%81-%D8%B9%D9%84%D9%88%D9%8A.jpg)