الطاهر بلحسين يريد تأسيس حزب. انتهى الخبر.
يا ولدي علاش تبني حزب؟ اشري واحد جاهز، يتكلّف ليك أقل، السلعة غلات. تحبشي نبيع ليك حزب المجد بشطر السّوم. موش متاعي، أنا نسمسر في الأحزاب، ماهم كثروا عاد.
أنا نتصوّر عبد الوهاب الهاني يبيعه ليك بشطر السّوم جاهز، كامل، بالمكاتب المحلية، وبالمكتب المركزي، يبيع ليك حتى أمين عام، كامل، طويل، عريض، بزوز سوردي، ويزيدك ناطق رسمي بلاش. يمكن ياسر، في عوض الفريب، يهبّطوا الأحزاب، افرز والبس. يبيع ليك حزب بأقلّ من حق الفصالة، ماهي فصايل هي، وكل واحد فصّل حزب على قياسو.
مقالات ذات صلة
