الزرقوني و حجام صابر

عبد القادر الونيسي

حدثني صديق مقيم في فرنسا عن إحدى زياراته إلى تونس زمن بن علي.

قال : ذهبت إلى حلاق صديق لأحلق شعر رأسي وطلبت منه كذلك أن يخفف اللحية.
بعد أن أتم حلق الشعر مرر الموسى على اللحية وأزالها تماما.
تغششت وقتلو عيب عليك ما طلبتش منك باش تنحيلي لحيتي.
أجابني “يا صابر نعرف آش يصلح بيك”.
تذكرت هذه الحدوثة عند إطلاعي على سبر آراء الزرڨوني الأخير.
نتيجته : النهضة أغلبية الشعب ناقمة عليها والغنوشي أكثر واحد مكروه في تونس.
عجب!! الإنتخابات الأخيرة منذ شهر تقريبا الشعب إختار النهضة والغنوشي في المرتبة الأولى.
قواعد سبر الآراء تقول أن إتجاه التصويت لا يتغير بسهولة إلا بأحداث خارقة وهذا ما ذكره سابقا الزرڨوني..
من نهار الإنتخابات إلى هذه الساعة ما زاد علينا كان الخير أمطار غزيرة وحملات نظافة وجو باهي في البلاد حتى نسبة التفاؤل زادت مرتين حسب إحدى الجمعيات.
لقيت تفسير واحد هو حجام خونا صابر “الزرقوني هو اللي يعرف آش يصلح بالشعب التونسي”.
لكن مانيش عارف شكون خلص سبر الآراء لخراني.