تدوينات تونسية

هل يحق للشُّعبويين نقد الاستاذ قيس سعيد؟

عادل بن عبد الله

شخصيا وقت نكون مضطر باش نختار بين “الشَّعبوية” (نسبة إلى الحركات الاحتجاجية اللي تنطلق من مطالب أو احتياجات شعبية مشروعة و”ممكن” تستثمرها بطريقة غالطة وخطيرة) و”الشُّعبوية” (نسبة إلى الوعي السياسي اللي تشكل في الشعب الترابية والمهنية)، أكيد باش نختار الأولى. علاش؟
السبب بسيط: حتى وقت نفترض جدلا او اعتباطا انو مشروع قيس سعيد هو مشروع “شَعبوي”، يبقى بالنسبة ليا أفضل ألف مرة من مشروع نبيل القروي اللي هو في عمقو مشروع “شُعبوي” (يعني يتحرك بمنطق الشُّعب -استغلال البؤس متاع الناس، استغلال النفوذ واحتقار القضاء ومؤسسات الدولة الكل، إرهاب الخصوم كيف ما عمل مع جمعية بوصلة، الاستقواء بالخارج الخ الخ-).
مختصر القول: وقت يلزم نختار بين مشروع سياسي يتهموه ورثة “الشُّعب” إنو شَعبوي، وبين مشروع آخر انا متأكد إنو المشروع “المتاح” متاع ورثة الشعب (مشروع متاح بمعنى إنو هو اللي بقالهم بعد ما كان الشاهد والزبيدي وجمعة وعبير وباقي الصناع متاع بن علي)، وقت نتحط في الخيار هذا مستحيل نتردد ثانية إني ندعم قيس سعيد.
مشروع قيس سعيد مهما يكون “شعبوي” ثمة ألف طريقة والف طرف باش يعارضو وينسفو (والا يعدلو على الأقل) لأنو المنظومة الكل والهوامش الوظيفية متاعها ضدو، لكن لو وصل نبيل القروي للرئاسة اكيد موش باش يلقى حتى معارضة حقيقية من المنظومة لأنو في النهاية ولدها.

اترك رد

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock