الجمعة , 6 ديسمبر 2019
الرئيسية / تدوينات تونسية / التناصف الإنتخابي والبرلمان وحمام النساء

التناصف الإنتخابي والبرلمان وحمام النساء

نور الدين العويديدي

القانون الانتخابي متاع التناصف ظلم لتونس وللنساء وللرجال، وهو ثمرة مزايدات حداثوية تافهة.. لا أعرف هل هناك دول غير تونس لديها قانون تناصف عمودي وأفقي مثل ما عندنا أم لا.. لكن هذا القانون البائس أضراره كثيرة ونفعه قليل أو معدوم.

موش كل الناس قادرين يعملوا سياسة.. برشة رجال وكان تدخلهم للسياسة يخربوها أكثر ما هي خاربة.. وبرشة نساء يزغرطولهم في اوذانهم يتقدموا للترشحات.. يحسابوها وطية وإلا طهور وشوية تزغريط وبرة روح.
القوانين تساعد في تطوير المجتمعات.. ولكن القوانين المتعسفة تدمر المجتمعات.. يمكن تلقى مرأة وإلا 100 وإلا 1000 أو حتى أكثر جديرات بقيادة البلاد.. ولكن أن تكون كل قائمة ملزمة بالتناصف، وكل حزب ملزم بالتناصف في كل قائمة وملزم أن رئيسات قائماته متساوي مع عدد رؤساء قائماته فهذا تعسف وظلم، ونتيجته سنية بن تومية وكثير من الأميات والنائبات، اللاتي يذهب في ظنهن أن البرلمان حمام نساء، وجبدان شعورات سياسية.

الأصل أنو القانون يراعي الوضع الاجتماعي والحالة الذهنية للناس والوضع العام للبلاد التي يوضع لها.. ولكن في تونس القانون يكتب بعقلية مزايدات وتوريط أحزاب لا غير.. والنتيجة توريط البلاد كلها.
معلوم أن خلفية قانون التناصف الأفقي والعمودي توريط النهضة وإثبات أنها غير حداثية وأنها معادية للمرأة.. لكن النهضة تنظيم كبير واستطاع أن يحل مشكلة التناصف على حساب برشة كفاءات رجال تظلموا وبرشة نساء تظلموا حتى هن..
برشة تحطوا في بلايص أكبر منهن في النهضة وفي غير النهضة.. ولكن المشكلة ظهرت أكثر في الأحزاب وشبه الأحزاب الحداثوية.. وكي تشوف برشة نائبات ترشحن على نداء تونس مثلا تلقاهم بالحق نائبات بالمعنى اللغوي للكلمة، أي مصائب حقيقة تمشي في البرلمان.

مشاركة المرأة في السياسة حق موش مزية.. ولكن موش كل النساء مؤهلات للسياسة كيما موش كل الرجال مؤهلين للسياسة.. وفي مجتمعنا وبطبيعة الأشياء كي تدخل لأي دار تلقى عركة بين الراجل والمرا على الكوموند.. الراجل يحب يتابع الكورة والأخبار والمرا تحب تتابع المسلسل.. الأخبار تخليك بطبيعة ميلك تفهم أكثر السياسة بحكم المراكمة.. والمرأة تفهم أكثر في الأمور الاجتماعية وما لها بها علاقة.

بالمختصر وبالفلاقي: التناصف الكلب ظلم للمرأة وظلم للرجل وظلم للبلاد.

شاهد أيضاً

على هامش انتخاب رئيس البرلمان

نور الدين العويديدي انتخب الشعب التونسي أحزابا أعطى كل واحد منها حجما بقدر ثقته فيها.. …

تزكية المرشح للرئاسية: فوضى التزكيات في ظل الفراغ التشريعي

علي الجوابي – عبد السلام الككلي  تذكيرا بالوقائع نشير الى أن أنيس الجربوعي عضو الهيئة …