تدوينات تونسية

يدخل بكعبة الشراب في إيدو…

الأمين البوعزيزي
يا سي الأمين والله يدخل علي للبيرو (المكتب) بكعبة الشراب في إيدو….
شنوة… ووزارتك ما تاقفش معاك؟؟!!
يا راجل حتى أنت… يكتفيو بكلمة سلّك أمورك معاهم أخطانا من العراك مع النقابة🤔
شوف سيدي خويا:
نعرف اللي الكلام هذا ثمنو غالي؛ وباش يقطعوني عليه جماعة المووومانعة النقابجية البنفسجية… لكن الجميع عندكم منو شكاير تبقى حكايات تتحكى في التراكن!!!
شوف سيدي خويا:
العبدو لله اشتراكي ما يزايد علي حد في معاداة الاستغلال وهمجية رأس المال المحلي والعولمي. وأعرف بالتفصيل حجم قضمه للميزانيات المرصودة للخدمات العامة… لكن والله العظيم لو تم حسن التصرف فيما يتم رصده وحمايته من السرقات لكفّى ووفّى… راهو فساد يزوّك منو البقر… راهي سرقات الشيطان يحشم من الصمت عليها…
هاني حلّيت فمي وتكلمت… تكلمت لأني نقابي ونغير على سمعة مهمة نضالية زمن دفع الثمن؛ لكنها اليوم أصبحت مهمة تخريبية في قبضة طحانة زمن قبض الثمن … يا حيف!!!
زعمة يغامر واحد آخر ويقول الحقيقة… هاني نستنى!!!

نقابي وأفتخر: ضد الاستغلال وهمجية رأس المال لكن أيضا وأيضا ضد السراق وعقلية رزق البيليك والطحانة اللي ولوا نقابيين باش يسمسروا ويغطوا على فسادهم وتسيب يزوّك منو البقر وتضرر منو الشعب المحتحت🤔
مؤخرا في حديث مع سيدة (إطار عالي وخبرة عمل طويلة) في مرفق يعنى بالصحة، قالت:
كلما تم تعيين مسؤول تظهر عليه نوايا وضع حد للنزيف إلا وتم الفتك له. (أقلها يسيبو عليه بعض المقحبة يمرمدوه).
سألت: من شكون؟؟؟
قالت: إذا ما كانتش تعليمات من قوى متنفذة حكوميا؛ تكون “موووقاومة” نقابجية!!!

المرفق العمومي (الصحة وغيرها) بقرة حلوب في قبضة أعتى المجرمين… وهؤلاء من يوفرون ذريعة اغتياله تصفية وتفكيكا…
حد اللحظة: حاميها حراميها… واقع مر لكنها الحقيقة…
على فكرة؛ كل من غامروا وبلغوا عن الفساد عوقبوا يشكل مذل🤔
———— تونس في قاع الإفلاس الأخلاقي أولا وأخيرا.

الأمين.

اترك رد

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock