الخميس , 18 أبريل 2019
الرئيسية / تدوينات تونسية / تونس بلاد عجيبة وغريبة.. !!

تونس بلاد عجيبة وغريبة.. !!

نور الدين العويديدي

من قديم الزمان تونس بلاد عجيبة وغريبة وباركة عليها روح ما ندري كيف نوصفها..

  • أهلها طردوا قطب الصوفية الاعظم الشيخ أبي الحسن الشاذلي، وبعدين ولوا صوفية من أتباعه، ويفتخروا أن أصله تونسي.
  • وخرج منها عبد الرحمن بن خلدون ولقى قدره في مصر وصار فيها فقيه المالكية.. وبعد ما خلوه يخرج ولوا يفتخروا أنه تونسي ابن تونسي.
  • الشيخ عبد العزيز الثعالبي رشحوه في مؤتمر في القدس لقيادة العالم العربي والاسلامي وكي روح لتونس ضربوه بالعظم الخامج.
  • خرج منها الخذر حسين وفي مصر صار الشيخ الأكبر لجامع الازهر ولم يفلح قبل ذلك في تولي مشيخة جامع الزيتونة المحتكرة من “البلدية”، اللي عندهم ظلعة زايدة.
  • بورقيبة عمل فيها “فون دو كومارس” أصل تجاري كبير متاع تحرير المرأة ومن هكا كانوا يجيبوا له بنات صغار يتحرش بيهم كاينهم إماء.. على خاطره يحب يشم التفاح.
  • راشد الغنوشي في العالم زعيم الاعتدال الاسلامي ونموذج للتحديث الديمقراطي بين الاسلاميين.. وإرهابي وقتال أرواح عند فئة معوجة من التوانسة.
  • حكومة الشاهد تعطي رخصة قانونية لجمعية تشجع على الشذوذ الجنسي وعندها إذاعة ممولة من دول أجنبية لنشر ثقافة الشذوذ.. وتعمل حالة وحوبارة باش تسكر مدرسة قرآنية بحجة حصول اعتداء جنسي على طفل.. وبحجة حماية الطفولة تحتجز أطفال هاك المدرسة في مكان تطرد منه أطفال آخرين وقع على بعضهم اعتداءات جنسية في مؤسسات تابعة للدولة الشاذة الحريصة على الاطفال المتدينين من الشذوذ.

اللي يحاول يفهم يدوخ..  واللي يفهم الحالة التونسية ويقدر يشخص المرض التونسي يقدر يحصل على جائزة نوبل للعلوم بجدارة واستحقاق.

شاهد أيضاً

الدولة.. التي أمرضت إبنه

نور الدين العويديدي حين أرى مواكب الرئيس ورئيس الحكومة والوزراء.. حين أرى مؤتمرات المسؤولين وتبذير ...

المعركة في ليبيا ستكون طويلة بعض الشيء

نور الدين العويديدي أتابع بـ”إدمان” الوضع في ليبيا.. وتولدت لدي ملاحظات من فرط المتابعة.. • ...