تدوينات تونسية
نعم للإستفتاء على مشروع المساواة في الميراث
من حق الباجي يورث فلوسو لحافظ وبنتو بالتساوي لكن موش من حقو يفرض على الناس كيفاش يتصرفوا في ممتلكاتهم، ومن حق الحكومة توافق على إملاءات الصهاينة والفرنكفونيين لكن موش من حقها تفرضها على الشعب، من حق الشعب أنو يختلف في الحكاية متاع الميراث، لكن موش من حق أي طرف أنو يفرض القناعات متاعو على البقية إلا عبر آلية الإستفتاء.
مختصر الحكاية: ما دام الأقلية الفرنكفونية رافضة أنها تمارس حقها في المساواة من خلال قانون يخلي التسوية إختيارية مع المحافظة على التشريع المعمول بيه توا، مادام الأقلية هاذي تحب تمارس الوصاية متاعها بالإستقواء بالدولة وتوظيف حرب الشقوق متاع نداء تونس، من حق الشعب أنو يطلب الإستفتاء على قضية تمس المقدسات متاعو، ومن حقو يقول للأقلية اللي تحب تفرض إملاءات الإتحاد الأروبي: اللي عندو شهوة… يعملها في فلوسو.