الأربعاء , 19 ديسمبر 2018
الرئيسية / تدوينات ساخرة / دولة فاشلة أما خبيثة عليك أيها المواطن…

دولة فاشلة أما خبيثة عليك أيها المواطن…

مالك بن عمر

مش مهم تركز مع الهم الي عايش فيه…
مع الفوضى الي انت غاطس فيها…
في انك عايش مع دولة فاشلة… مدوبلة… وفي المواد الكل…
#البهيمة متاع وذني…

بون بهيمة… أما خبيثة عليك أيها المواطن…

خاطر المواطن أبهم من الدولة… لذا الدولة تكور بيه… عندها أساليبها وفازاتها ومرتزقتها ومشاشوواتها… تلقاهم مفرتين في الإذاعات والتلافز… الدولة فقيرة.. الدولة تاعبة… الدولة عندها ديون…

يهبطو الدمار في ركايب المواطن البهيم… الي يسخف على الدولة وعينيه يزغللو… ويبدا يخمم باش يعاون الدولة المحتحتة حتى بدنوس…

دنوس ؟… تي زيد عليه ميتين واضرب كعبتين فريكاسي سخان حارين قالو دولة.. يا بهيم… يا مصطك… يا مواطن…!!

يفيق المواطن على روحو… ويمشي لنهج الدباغين يشري كعبتين فريكاسي على روحو… ويزيد معاهم كاس سيتروناد وكعبة فرشك…

يخرجولو الماشاشوات والمرتزقة… ااه ياااا مصروفجي ياااا المواطن… ياااا مبذر… شمدخلها الدولة مالا… هانا شديناه بالكمشة… كهو… يلزمو المواطن يكبس السنتورة…

المواطن يهبطولو كعبات الفريكاسي عقد…
المهم ما يركزش في بهامة الدولة…
الكازي ما لازموش يفيق الي هي بهيمة..

اسمع.. تلهى في العركة الي صارت بين الاحرش والباجي… خليك مركز في الخاشقجي… ركز مع سي عناء… ركز مع التاااارجي… والا تعرفش كيفاش ركز مع المساواة في الإرث… ركز… ركز… ركز… لين يوفى تركيزك الكل… وامشي تفرج في لووطفي لعماري ينحيلك شوية المخ الي قعدولك…

مالا كيفاش باش تنتخب النداء ومشتقاتو يا… موواطن !!

شاهد أيضاً

كلّو من الثورة…

مالك بن عمر هاذي عبارة تجي على لسان برشة توانسة باش تفسر أي وضعية خايبة ...

عيب يا نايبة ما تقراش القوانين

مالك بن عمر البارح سمعت مداخلة النائبة المدعوة.. فاطمة المسدّي في مجلس النواب… مداخلة أقل ...