الجمعة ، 21 سبتمبر 2018
الرئيسية / تدوينات / تدوينات تونسية / إحنا دولة مدنية لا ربي لا سيدي.. هكة قال سي الباجي

إحنا دولة مدنية لا ربي لا سيدي.. هكة قال سي الباجي

الأمين البوعزيزي

توة إحنا مادمنا دولة مدنية لا علاقة لها بالإسلام كيما قال سي الباجي. معنتها دولة “لا ربي لا سيدي” كيما قالت “فنانة” سينمائية رفعها تقرير بشرة الحريات الفردية إلى مقام المقدس العلمنجي بتجريم كل نقد لأعمالها…
إيه سيدي خوبا علاش الخساير كل عام خمسة أيام عطلة يتكلفوا عالدولة المدنية بالمليارات. قال شنوة أعياد مولد سيدهم محمد وعيديْ الفطر والأضحى!!!

هذي تقاليد دأبت عليها دولة بورقيبة؛ لكنها اليوم متخلفة على جوهر الدستور اللي يقلك… الدستور الأبكم الذي لم ينطق إلا بفضل تقرير بشرة عبد المجيد الشرفي… اللي هو مجرد تعريب لفظي لتعليمات الإتحاد الأروباوي (تجدون نسخة من التعليمات أسفله).
فاش قام الخساير هذي الكل…
وحكاية الحج وأضاحي العيد… “لَيْن الخسارة” كيما قالوا خاوتنا في صفاقس!!!
يلزم تشكيل لجنة أخرى وصياغة (تعريب) تقرير آخر يطهر سلوك الدولة من أي قناعات دينية لا تعشش إلا في عقول أصحابها…
شنية حكاية القسَم على مصحف القرآن!!!
شنية حكاية العلَم بالنجمة والهلال المربوطة بقواعد الإسلام الخمس!!!
علاش إحنا داعش!!!
لا سيدي خويا:
إحنا دولة مدنية لا ربي لا سيدي.. هكة قال سي الباجي في آخر خطاب وجهه فخاااامتو إلى الأمة التونسية…
“سي الباجي ماهوش يرضع في صبعو” كيما قال حمة ذات موائد الإنشراح على أطباق الروز بالفاكية !!!
– باهي باهي يزي يزي… قلنا كيفاش نحبّو نكونو؟
– نحبّو نكونو كيما فرانصا سيدي خويا.
– لكن فرانصا ما خرجتش من تعاليم السيد المسيح. فصل الدين عالدولة هو بيدو اللي قالو السيد المسيح: “أعطوا ما لله لله وما لقيصر لقيصر”. لا الرب يتدخل في سلطات ومجالات القيصر ولا القيصر يتدخل في مجالات الرب…
ونزيدك زيادة راهو أهم عيد يحتفى به في فرانصا ويعملولوا عطلة وهيلولة هي أعياد الميلاد. سيدي خويا !!!.
– تششششش انقطع البث… وسكت صاحبنا عن التبشير بالدولة المدنية😂.

••

• عام 98 شاركت في نادي يعلّم التصوير الشمسي وحاجات أخرى باهية برشة… عاد وين ندخل نقول السلام عليكم… الجماعة الكل يقحرولي من تحت… سكت على روحي. وركزت باش نعرف كيفاش يسلموا على بعضهم… “صالوتا” للذكر وبوسة للأنثى… وعمك الأمين يتم وصمه صمتا بعيونهم لا جهرا بأفواههم بـ”الخونجة” (المطلوب رأسها) بجريرة السلام عليكم؛ رغم أنه ليس عدوا للبوس بل عاشقا له😊.
• الحداثة في الغرب قوامها ثالوث الأمة واللغة والثقافة الوطنيتين والعقل سلاح فهم وتفكيك وبناء… والحداثة في بلدي قوامها التنكر للأمة واللغة والثقافة الوطنيتين؛ والقمل بديلا عن العقل!!!

#دولة_لا_ربي_لا_سيدي_ليست_مدنية.

الأمين.

البرلمان الاوروبي

شاهد أيضاً

الخارج في الداخل .. المؤامرة أقل من ذلك

سفيان العلوي لا تخضع قراءة تأثير الخارج في الداخل فقط إلى التقدير الموضوعي الجيوسياسي بل ...

اترك رد