الأربعاء , 21 نوفمبر 2018
الرئيسية / تدوينات تونسية / حاجتي بحكاية المساواة في الإرث

حاجتي بحكاية المساواة في الإرث

مالك بن عمر
قراءة في خطاب الباجي..
قال للجنة الي عملها شكر الله سعيكم… لا حقوق ولا حريات ولا سيدي الزكري… حاجتي بحكاية المساواة في الإرث ماو قلتلكم من عمناول…
الباجي يحكي على الدستور ومتمسك بالدستور الي أصلا ما فماش فرصة جاتو وما خرقوش…
الباجي يعمل في السياسة متاع عام سبعين… متاع انا باهي و نحب المساواة في الارث اما الحكاية موش بيدي بيد النهضة… النهضة كخة موش حابة… وإن شاء الله تولي حزب مدني وتوافق… مناورات حولة متاع حومة موش متاع دولة…
الباجي يشوف في التوانسة خزان انتخابي… ويشوف في المرا ورقة تصويت في صندوق… معمل على سذاجة البعض وعلى كره البعض الاخر للنهضة باش يربح…
نجيو للمبادرة التشريعية… الي هي بيدها مقترح اللجنة…
قالك يا سيدي يا بن سيدي… الأصل في القانون يولي المساواة في الارث والمورث الي ما يحبش المساواة يمشي يعمل تصريح ويقول نحب صغاري يورثوني بالشرع…
اش يحب يقول ؟ يحب يقول باش يوليو زوز أنظمة في الميراث… نظام مساواة (الاصل) ونظام شرعي (الاستثناء).
انا من خطاب عمناول كتبت قلت علاش لا زوز أنظمة… الي ما يؤمنوش بالقرآن والا بحدود المواريث ما فماش علاش نلزموهم بتطبيق الشرع…
اما انا مع انو يقعد الوضع كما هو عليه مع تمكين من يروم المساواة بالتصريح بذلك…
يعني الأصل للذكر مثل حظ الانثيين والاستثناء المساواة… كإمكانية قانونية جديدة…

شاهد أيضاً

قضايا النائب ياسين العياري أمام المحكمة العسكرية

مالك بن عمر ليست مجرّد قضايا حقوقية راح ضحيتها مواطن مدني مظلوم يُحاكم أمام القضاء ...

لا تعارض بين مدنية الدولة و بين دولة دينها الإسلام …

مالك بن عمر مدنية الدولة لا تعني معارضتها لمعتقد السواد الأعظم من الشعب ولكن تعني ...