الثلاثاء ، 21 أغسطس 2018
الرئيسية / تدوينات / تدوينات تونسية / صدّق أو لا تصدّق

صدّق أو لا تصدّق

ماهر العباسي

البارح مروّحين من نابل التسعة متاع الليل… نلقاو الكياس مقصوص… قالو الأهالي سكروه خاطر صار أكسيدون ماتو فيه عباد… كي الناس الملاح عملنا دومي تور ورجعنا لنابل… ثلاثة كيلومتر على البقعة الي مسكرين فيها الكياس فمة بوليسية متاع مرور… نڤز واحد منهم في حركة متاع كوبوي ووقفنا…

عالسلامة عالسلامة… بطاقة التعريف… تفضل… في بالكم الي فمة عباد مسكرين الكياس لقدام شوية… إي فيبالنا صار اكسيدون مورتال… ههههههه عون أمن ممثل للدولة يبرر لمواطن علاش مواطنين اخرين قاطعين الطريق… أيا هات الكارت ڤريز… علاه ماو لاباس… عندك رادار… هههههههه لا تفدلك… لا تفضل اهبط وجيب معاك الأوراق… هبطت كي الناس الملاح نلقى عرفهم شادد الأوراق أيا دكتور باش نسامحوك… أما فمة التعاونية متاعنا تنجمشي تعاوننا بحويجة… لا ما إنجمش… تفضل أوراقك… مرسي… دو ريان (قالها بتمقعيرة).
يوميات مواطن في دولة فاشلة تحتفل بعيد جمهورية الموز.

شاهد أيضاً

شباب !!!

نور الدين العويديدي كان شيخنا الجليل الاستاذ منير شفيق يقول لنا أيام اشتداد محنة النفي ...

اترك رد