الخميس ، 16 أغسطس 2018
الرئيسية / تدوينات / تدوينات تونسية / تسيب الماء عالبطيخ

تسيب الماء عالبطيخ

ماهر العباسي

قال راشد الغنوشي في 2013… كي تحلّو السبالة ويهبط الماء وتنزلو عالفلسة يشعل الضوء إحمدو ربي… ضحكنا عليه… وبعد ولينا نحمدو في ربي.

مشكلة قصان الماء والضوء بدات من 2012 وكل صيف نعيشو نفس الحكاية… مع حكومة الجبالي والعريض وجمعة والصيد الأولى والصيد الثانية والشاهد الأولى والشاهد الثانية… زعمة هذا دليل فشل حكومي ؟ ياذنوبي… مالا شنوة ؟؟
بالنسبة ليا وحسب رأيي المتواضع البسيط السبب الأساسي للمشكل هو الإرتفاع القياسي في الإستهلاك الي هو جاي خاصة من إرتفاع مستوى العيش الي هو جاي مالزيادات في الشهاري… آلاف العباد حفرت آبار فوضوية والماء يجبد نهار كامل… كيف تبدا ظروفك على قدها تتقرنط في الماء والضوء تسكر السبالة وتطفي الضوء… كيف تتنفنف الأمور شوية تسيب الماء عالبطيخ… والناس الكل عملت كليماتيزور والناس الكل عملت زوز وثلاثة تلافز وأورديناتور وتلفون سمارت و و و و …
علاش الدولة هذي ماتعطيناش أرقام إستهلاك الكهرباء والماء من 2010 لليوم… لو كان ما يطلعوش زادو عالأقل بخمسين في الميا فمي ماعادش نحلو.

••> الخلاصة : عنا بنية تحتية مجعولة باش تغطي إستهلاك معين الي هو نتيجة لشهريات معينة كيف في سبعة سنين تضرب الشهاري في الاثنين الاستهلاك ينفجر والبنية التحتية مستحيل تتبع… والسلام.

شاهد أيضاً

غرامشي..

محمد ضيف الله غرامشي (Antonio Gramsci) لم يكن معروفا بين الماركسيين عندنا حتى الثمانينات شأنه ...

اترك رد