السبت ، 18 أغسطس 2018
الرئيسية / تدوينات / تدوينات ساخرة / يكبّ والله سعدك

يكبّ والله سعدك

عبد اللطيف علوي

توة سي الكبّوبي اللّي كبّلنا سعودنا وسعد البلاد، يقول “أنا ماعاد ملتزم بحتّى شيء”!
وهو سيادتك باش كنت ملتزم أصل في المرحلة اللّي فاتت الكلّ، طيلة مشاركتك في وثيقة قرطاج اللّي جابت حكومة الوخذة الوطنية؟!
شنوّة الإنجاز ولاّ المساهمة اللّي سيادتك ساهمت بيها في خدمة الصالح العام وإنجاح مهمّة إنقاذ الاقتصاد ولاّ معالجة الكوارث الاجتماعيّة اللي اتحادكم كان له دور تاريخي في إفرازها من عهد صحفة العسل متع بن علي!؟!
بشنوة باش تهدّدنا مثلا؟! بالإضرابات؟! ياخي أنت خلّيت فيها العزا والطّبل تقول يمّه!!
باش تبرّك الاقتصاد؟! ماك خربته من هاك العام وقاعد على تلّه!
باش تبطّل ماعادش تشدّ علينا السّماء لا تطيح؟! تي خلّيها تطيح براس الحنينة وتو نشوفو شكون يتهرّس! احنا ماعندنا ما نخسروا، ،أنت اللّي عندك مصالحك تخاف عليها، احنا بوزيد مكسي بوزيد عريان
سي الكبّوبي، يكبّ والله سعدك.
قول آمين.
#عبد_اللطيف_علوي

شاهد أيضاً

المساواة في المنافسات الرياضية ؟

أحمد القاري أين المساواة بين الرجل والمرأة في المنافسات الرياضية؟ يجب على الحركات النسوية والليبراليين ...

اترك رد