الإثنين , 25 مارس 2019
الرئيسية / غير مصنف / فرح نور الدين وقاللهم آش باش تعملولوا ؟؟؟

فرح نور الدين وقاللهم آش باش تعملولوا ؟؟؟

ذاكر اللاهيذب
فما عائلة متاع بلدية يسكنوا الأب والعم بجنب بعضهم… العائلة الأولى عندهم طفل مزيان ومتربي لا يخبش لا يدبش.
نهار حب يكور قدام الدار اخي سطح الكورة في دار جارهم البليد.
ياخي بزهرو المزمر تكسر الكورة الشباك وتدخل تكسر السربيس متاع خالتك نعيمة وتقلب العشاء وتعمل كارثة بيئية في دار هاك الجار الرمز…
يخرج عمك نور الدين في مريول خلعة منقوب من الجنب وفِي شلاكة بوصبع وهو كشاكشو خارجة وقريب يتجلط ويجري وراء هاك الطفل المزيان ولم الفصايل متاع الحومة وهد عليه.
هاك الطفل بحرارة الروح ولى يجري ومشى تخبى وراء بوه وعمو، والاثنين يشيشوا في الجنينة وبجنبهم محبس حبق…
دخل عليهم نور الدين غمزوا بعضهم وعطاوه الجباد وقالولو أجبد نفيس هاتوا نعملولو وهاتوا انوريوك فيه…
فرح نور الدين وقاللهم آش باش تعملولوا ؟؟؟
قالولوا باش نعملوا… لجنة.

شاهد أيضاً

صرخة “الكابا هاكا”

فتحي الشوك لحدّ السّاعة لا زالت مجزرة نيوزيلندا تشغل الرّأي العام العالمي وتثير مزيدا من ...

حوارٌ بيني وبين صديقِ يساريٍّ ماتَ عامْ سبعينْ !؟

محمد كشكار مواطن العالَم اليسارِيُّ الحَيُّ: توجهتُ إلى مقبرة الشيوعيين، جلستُ فجلسَ جنبي حارسُ المقبرة ...