شد في بهيمك لا يجيك ما أبهم..

حاتم الغزال

الحكومة وخرت وقدمت وعينت محافظ جديد للبنك المركزي خبرته الوحيدة انو خدم منسق للبنك الدولي في “القطر” الليبي…، ليبيا الدولة التي كانت في عهد القذافي عايشة على نظرية اقتصادية من كوكب آخر وبعد القذافي ماعادش دولة من أصله.

النائبة متاع المعارضة التي نورمالمون تقدم روحها كبديل للحكومة قادر انو يشد الحكم ويجيب حلول لمشاكلنا الإقتصادية وخرت وقدمت هي زادا وقالتلك احنا ما نستعرفوش بالبنك الدولي جملة وخاصة كي تبدا “قطر” داخلة في الحكاية…
فبحيث شبش نقلكم… شد في بهيمك لا يجيك ما أبهم وكيما قال الراجل…
حكومة لا تصنع الحلول أفضل مليون مرة من معارضة لا تصنع إلا المشاكل.