الجمعة ، 20 يوليو 2018
الرئيسية / تدوينات / تدوينات تونسية / أكبر صفقة خاسرة في تاريخ السياسة التونسية

أكبر صفقة خاسرة في تاريخ السياسة التونسية

سامي الجلولي

يا والله عجب
حزب كان رايض على روحو. شاف في القواعد متاعو ما لقاش حتى كفاءة في الوقت اللي هو قال عندو احتياط متاع 4 حكومات،.. ما عليناش، لا طاح لا دزّوه يقوم يعيّن أحد نوابه بمجلس النواب في خطة كاتب دولة للدبلوماسية الاقتصادية… بعدها بمديدة يقع تصنيف تونس جنة ضريبية… وبعدها بمديدة تخسر الدولة 500 الف د لتنظيم الانتخابات وبعدها بمديدة يخسر الحزب المقعد متاعو في المانيا اللي هو كان شادو السيد اللي ولى كاتب دولة للدبلوماسية الاقتصادية.
اكبر صفقة خاسرة في تاريخ السياسة. ولو حدثت في كوريا الشمالية لوقع اعدام جل المشاركين رميا بالرصاص.

حزبك يخسر في انتخابات المانيا تقوم تلوم على حزب آخر على خاطر ما ساندكش. وتتفلسف علينا بمراجعات وفك ارتباط وهات من هاك الفوضى الفكرية…
اذا انت قواعدك ومنخرطيك في المانيا كانوا سبب في خسارتك لمقعد معناها انو غير مرغوب فيك والنداء ما فهمش روحو اللي هو اصبح حزب غير مرغوب فيه.

قوة النهضة موش في برامجها. قوتها في انضباط نسقي للنسبة الطاغية من قواعدها.
النداء لا برامج ولا انضباط ولا خبرات… فأغلب ما في القيادة ما وصلوش لمرتبة صانع في عهد بن علي. ونجم نقوللكم اللي مستواهم ما وصلش لمستوى رؤساء الشعب في التكمبيس والخبث متاعهم.

شاهد أيضاً

صديقي التونسي المغبون

أحمد الغيلوفي صديقي التونسي المغبون: • هل تعلم أنك تدفع رواتب 217 نائب مع منح ...

اترك رد