الإثنين ، 11 ديسمبر 2017
الرئيسية / تدوينات / تدوينات ساخرة / كيفاش تكون سياسي من الجيل الأول

كيفاش تكون سياسي من الجيل الأول

ذاكر اللاهيذب

1. تعمل أيدين وساقين وتدخل في حكومة بشتى الطرق.
2. تظهر فيما كتب ربي من البلاتوات التلفزية مع تفضيل برامج الرقص والغناء المدقدق من نوع حنتي في يديا والرقص مع طارق بعلوش.
3. تعبي الوزارة بالمستشارين والمكلفين بمهمة.
4. تعمل شوية قرارات ثورية وخاصة بعد كل قضية فيها ريحة البوز وضاربة في الفيس بوك.
5. قبل الانتخابات بعويم ونص تشن حملة على الحكومة أو ماتبقى في الحكومة (ماتبقى في الحكومة هو الشخص الي كيف كنّا صغار نضربوا الناقوس ونهربوا وهو يتشد على خاطر قعد يخمم قبل مايهرب).
6. تتبنى كل قضايا الاٍرهاب وتسب قطر وقلوب تركيا ويافلان ياسفاح ياقتال الأرواح.
7. تعمل حزيب جديد تلم فيه المخلوقات العجيبة الي كانت حكومة ومن باعد ولات معارضة في رمشة عين.
8. تصب عليك الأموال وتعمل حملة انتخابية قمقومة وكوب جديدة متاع شعر وليفتيغ وبوتوكس.

أما الي يحسب وحدو يفضلوا وبلغة الأحياء الشبه شعبية الي تربيت فيها تاخو التيييتتتتتتتت على خاطر الشعب فاق بيكم.

شاهد أيضاً

عن القدس والدجاجة العربي

الطيب الجوادي البارح كدت أنام جائعا بسبب القدس وتضيع علي “دجاجة عربي” تعمل ستة وستين ...

اترك رد