تدوينات تونسية

ما تنرفزش روحك، توة انددوا بيه

الطيب الجوادي
كنت “متبنطخا” تحت المكيف، أشخر وأحلم أنني في الجنة مع حوريّة تلاعبني وتسقيني خمرا في كؤوس من زبرجد بعد أن التهمت نص رأس خروف فوحته فطومة بالاكليل، وشربتُ كأسي شاي منعنعين، حين رنّ هاتفي وإذا به صديق تقدمي نقابي ثوري حداثي، وبعد التعييد والسؤال عن الاهل:
– ما سمعتش هاك الخوانجي صاحبك نور الدين البحيري واش قال؟
– لاباس واش قال؟
– قال الدولة ماعادش تنجّم تصرف على التعليم العمومي، يحب يحطم منظومة التعليم العمومي اللي مستفيد منها الزوالي.
– قال هكّة؟ والله ماهو معقول، سيب علينا منّو، بنتك باش تقرا العام الجاي الترمنال في Esprit؟ (تعليم خاص).
– وي، هاني قيّدتها وان شاء الله تجيب معدّل باهي، أما ريت الخوانجية، راهم كلاب، آخرتها باش يبيعوا المدرسة العمومية، بتعليمات من الامريكان.
– باهي صديقي، ما تنرفزش روحك عندك الـ tention، توة انددوا بيه.

اترك رد

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock