الإثنين ، 20 نوفمبر 2017
الرئيسية / تدوينات / تدوينات تونسية / أسباب تألم أيتام العار

أسباب تألم أيتام العار

سليم بن حميدان

يسألني عديد الأصدقاء: آش بيهم مركزين معاك جماعة شوليقة الشروق والبزنس نيوز والأفريكان مانجر ومن لف لفهم من أيتام المخلوع ومرتزقة إعلام العار ؟
الجواب للمرة الواحدة والخمسين بعد الألف وبالفلاقي هذه المرة:

أولا. على خاطرهم ما بردوش من مصادرة الفيلات والضيعات والشركات متاع أسيادهم الي يوكلوا فيهم (الرياحي متاع الشروق).
ثانيا. لورود أسمائهم في ملفات فساد منشورة لدى القضاء اثر مأموريات كنت أذنت بها لهيئة الرقابة العامة لأملاك الدولة فترة تكليفي بها (ملف ALFA Holding بالنسبة للبهلول متاع موقع Business-lies).
ثالثا. للإقالات التي قمت بها (المكلف العام بنزاعات الدولة ورئيس لجنة المصادرة أصدقاء بوميزة متاع أفريكان مانجر).
رابعا. لذكر أسمائهم في الكتاب الأسود والذي يحملون فيه المسؤولية للمرزوقي الذي دعمته شخصيا بقوة لرئاسة الجمهورية خلال مرحلة التفاوض لتشكيل الحكم الائتلافي متاع الترويكا.
خامسا. لأنني وبكل فخر على علاقة مصاهرة بقيادي راجل في حركة النهضة يتصدى لهم ويفضحهم رغم اضطرار حزبه لمهادنة الفاسدين.
سادسا. لأنني اعترضت على إسناد أراضي دولية بالمراكنة وخرق القانون (حكاية سليم القذافي وضيعة الكريب).
سابعا. لأنهم مرتزقة يرتزقون من الكذب والولوغ في أعراض الشرفاء وإذا حبسوا الخدمة يضيعوا ويموتوا بالشر.
ثامنا. لأنهم فشلوا في العثور على ملفات تدينني فغيروا استراتيجيتهم وأصبحوا يروجون لكوني تسببت في خسارة للدولة بألف مليار (موش عارف كيفاش حسبوها) !
تاسعا. على خاطر ما نسكتلهمش ونرد عليهم برشق الحجارة وهي هوايتي المفضلة التي أتسلى بها في أوقات الفراغ.
عاشرا. ملخر يا راسي يا راسهم… راهم مرتزقة لحاسة وجبناء… ومش باش يكونوا أرجل من سيدهم المخلوع.

ختاما. بالنسبة لأصدقائي الي ينصحوني بتركهم ينبحون كالكلاب أقول: عاونوني المرة هاذي على النشر والفضح مع وعدي لكم بالثبات والصمود والتصدي مهما كانت التكاليف فقد تبرعت بعرضي لوطني العزيز ولن يكون أغلى من دماء شهداء ثورتنا المباركة… ويا جبل ما يهزك ريح.

#الفساد_هو_الإرهاب
#إعلام_العار_هو_الإرهاب

شاهد أيضاً

أشعر بالعار

خير الدين الصوابني أشعر بالعار عندما اعلم أن على بعد بضع كيلومترات من بلدي انبتت ...

اترك رد