الثلاثاء , 13 نوفمبر 2018
الرئيسية / غير مصنف / "الرخ لا" هذا موش شعار

"الرخ لا" هذا موش شعار

محمد الناصر رابحي

أسمع يا باهي بش نكون موضوعي لاقصى درجة من غير مزايدات ولا تجلطيم ولا هزان ونفضان… كلامي هذا مش معناها أنا مع الحكومة ومجموعات العصابة الحاكمة ومن لف لفها ..DONC أنا كيما تعرفوا لاني ندائي ولا نهضاوي لذلك حل مخك بش تفهم معنى ومغزى ما أقول…

أولاً متفاهمين أن الشركات الأجنبية النفطية في تطاوين وغير تطاوين هي شركات ناهبة للثروات بدون أدنى شك.. وعليه احتجاجات شباب تطاوين شرعية بل وواجبة أصلا… أما وين نختلف معاهم… نختلفو في التبلبيز والتجخليط والعناد إلي مافيهوش فايدة.

خويا جاتك الحكومة بـ 12 وزير.. حط مطالبك فوق الطاولة وتفاوض الند للند… أما مش معناها “الرخ لا” لا يا باهي يلزمك ترخ في حاجات وتكبس في حاجات وهذاك مبدأ المفاوضات… ومستحيل بش تتحقق مطالبك الكل إلي أصلا إنت كاتبها وإنت إلي قلت عليها… معناها يا باهي لا تقطع شعرة معاوية في التفاوض… ويا باهي إنت يا حنين شعار “الرخ لا” هو شعار الكناترية وإلي هو شعار حكيم… على خاطر الكناتري كيف يبدا هاز حاجة مخالفة للقانون يلزم ديمة القدام وما يرخش بش ما يخلطش عليه الحاكم… وإنت يا باهي أكيد مش كناتري… وعليه يلزمك ترخ في حاجات وتكبس في حاجات…

شاهد أيضاً

الإنسانية هي المستقبل الوحيد الممكن للبشر !

بشير العبيدي #أقولها_وأمضي لنتأمّل بعض المنجزات التي حقّقها الإنسان، بدءاً من استخدام الحجارة والأدوات في ...

خصوم “النهضة” عامل رئيس في صيانتها من الإنشقاقات

نور الدين الغيلوفي عصفت ريح السياسة في تونس بداية من 14 كانون ثاني/يناير 2011.. وقد ...