السبت ، 26 مايو 2018
الرئيسية / تدوينات / تدوينات تونسية / نفسرلكم قانون المصالحة

نفسرلكم قانون المصالحة

ياسين العياري

انت عندك دجاجات، تصرف عليهم وتعشعش واتداوي.
زوفري فصالة ولد حومتك سرقهملك، وحرمك من قوتك وقوت أولادك.
دارت الدنيا وولدك كبر وولا ينجم يكسر للفصالة راسو.
جات أم الفصالة تبكيلك.. ولدي ما اتدخلوش الحبس.. ها تو يبيعلك الدجاجات متاعك بالقيمة الي نقدرها أنا وانت إشريهم وطاح الكف على ضله، ومش الدجاجات الكل، ثمة الي سكر بيهم هذوكم سامحوا فيهم!

القانون الجديد يعطي للمجرم حق المصالحة كان حب.. الضحية، الدولة، أنا وإنت لا.
القانون يفرغ هيئة الحقيقة والكرامة من محتواها، يحط زوز أعضاء منها في لجنة برئاسة الشاهد وهذاكاهو.
قيمة الضرر تقيمها لجنة الي فيها دفع مصاريفهم الإنتخابية السراق هذوكم هوما.
القانون هذا يضرب سواسية الناس قدام القانون: تسرق باكو شوكوطوم في المونوبري، طريحة في المونوبري وطريحة في المركز وتشد الحبس، أما تفلس بلاد وتسرقها.. ما يصيرلك شي، ترجع “كان رجعت” الي يقدروه أصحابك والسلام.
القانون هذا يشرع للتفصي من العقاب، ويجعل القانون والمحاكم مخصصة فقط للي ما دفعوش فلوس للعصابة.
القانون هذا لا دستوري (لجنة البندقية).
القانون هذا يخسرك انت واولادك في آلاف المليارات، زوز مليارات منها فقط يحلوا مشكلة الصرف الصحي في ماجل بالعباس.
القانون هذا يرسي دولة الفساد 2.0 : أدفع لأهل السياسة وإسرق قد ما تحب، إسقاطه هو إسقاط للنمط هذا.
ما يخوفوكمش بلوغة إستثمار.. كل الخبراء موقفهم واضح: الي معطل الإستثمار ومفقر البلاد هو الفساد، وهذا القانون المهزلة يشرع للفساد.
ما يتعداش!

شاهد أيضاً

#قرطاج_تستحقين_ملحا_ثانيا

الأمين البوعزيزي من روّج لأسطورة جلد الثور تحقيرا لأبناء البلد؛ هو نفسه من جعل من ...

اترك رد