الجمعة ، 24 نوفمبر 2017
الرئيسية / تدوينات / تدوينات تونسية / ما طيح الدينار كان القلوب البيضاء التركية !!!

ما طيح الدينار كان القلوب البيضاء التركية !!!

نور الدين العويديدي

مساكين عندهم الرمد والحول في العينين.. ما شافوش م البضائع الأجنبية كان البضائع التركية.. تركيا هلكتنا وفلستنا، وأمنا فرنسا الحنينة تبكي بالدموع على الدينار اللي سعده طاح وتكركب وجاء في الحدرة وما عنداش فران يشد بيه شوية.

بومنديل ولجم وغيرهم كلهم غرقوا في بضايع تركية وما ثم حتى شيء صيني.. ما تلقاش حتى ابرة ولا صحن ولا برمة ولا مقفول صيني.. وحتى البضايع الفرنسية ما دخل منها حتى شيء من عام 1956.. وآخر كرهبة بيجو ركبها الزعيم وكي وصل لقرطاج رماها في البحر..

ولا ثمة نوار هولندي ولا بقر هولندي ولا خمور بلجيكية وعطور فرنسية ولا سيارات امريكية ولا المانية ولا يابانية.. فنحن نأكل مما نزرع ونلبس مما نصنع ونركب مما نبدع.. وما طيح الدينار وكب له سعده كان القلوب البيضاء التركية.. سود الله وجوههم حتى تطابق قلوبهم السوداء.

شاهد أيضاً

مدينتي التي أعرفها ترفض أن تتجمّل بالأصنام

محمد القطّي خطير ما يحدث في صفاقس  بعد الفضيحة التي وقعت في إجتماع الجلسة التمهيدية ...

اترك رد