تدوينات تونسية

النهضة خانت تاريخها وانبطحت وأصبحت عميلة وفاسدة…

الحبيب حمام
ـ وكان المفروض أنها تقاوم الفساد، وكان لزم تشد الجبل…
• لا عاد، شنوّه جبل! الجبل فيه داعش.
ـ مالى كان المفروض أنها تنزل في الحكومة ركبة، وتقلب الدنيا عليها وتتعاون مع الاتحاد للإطاحة بيها…
• لا عاد، شنوّه اتحاد! الاتحاد في يد الجبهة.
ـ مالى كان المفروض أنها ساعة ساعة تتكلم على الفساد، وتكتب مقال منا، وتشارك في بلاتو منا…
• لا عاد، شنوّه مقال! يعمل فيها المرزوقي والحراك، وما جابت شي.
ـ مالى كان المفروض أنها تقلب الدنيا في مجلس نواب الشعب…
• لا عاد، شنوّه مجلس نواب الشعب! يعمل فيها سالم الأبيض وسامية عبو وما جابت شي.
ـ مالى كان المفروض أنها في مجلس نواب الشعب تغزر على اليمين واليسار، وفين ماشي التصويت تاقف ضدو…
• لا عاد، ولاّت حزب الضدّ، اختصاص حمّه، وحقوق الطبع محفوظة، وما جابت شي.
ـ مالى كان المفروض تنبّر كيفي أنا على الفايسبوك…
•لا عاد، نبارة الفايسبوك مالين الدنيا، يتباعوا بالكيلو، وما عملوا شي.
ـ مالى كان المفروض ترجع للحبس، وتهجّ من البلاد…
• ما فمّش اعتراض، فكرة باهية.
والبلاد شكون باها؟ ما نيش أنا، على كل حال، أنا مهمّتي نقول ليكم آشكون غالط، ونعطيه على راسه.

تعليق واحد

  1. ببساطة الكل يعاني من سذاجة و سطحية في الاداء السياسة و على راسهم آل عبّو باستثناء النهضة و ليس كل ما العقول يحب ان يُقال فالسياسة فن الممكن . و يصعب تصديق أن الذين سُجنوا لعقود يغطون على الفساد أو فاسدين

  2. التكتيك يقول النداء يفصل و النهضة تخيط…………… السذاجة وقت الأنسان يكون ياتورة يافورة كيف ما يقولو………. والذكاء السياسي وقت الإنسان يكون عندو برنامج و يخطط باش يصلو أما النهضة لا عندها برنامج و لا قاعدة تخطط في شيئ شادة كان في التوافق التوافق …….. تنجمش تقلي ثماش حاجة قالها النداء و النهضة ما وافقتش عليها الجماعة تقولش عندهم نفس البرنامج ما ناقصين كان يعملو حزب واحد و قص المشكلة……….. هل يعقل إلي النهضة الحزب المعارض منذ سنوات وبعد الثورة كان ليها جزء كبير من كتابة الدستور و بعد هي و النداء يمررو مشاريع قوانين مخالفة للدستور و الدليل ان الهيئة الوقتية لمراقبة دستورية مشاريع القوانين رفضت قوانين طلع بيها النداء و وافقت عليها معهم النهضة بحكم أغلبيتهم.

اترك رد

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock