الخميس , 18 يوليو 2019
الرئيسية / تدوينات تونسية / النهضة خانت تاريخها وانبطحت وأصبحت عميلة وفاسدة…

النهضة خانت تاريخها وانبطحت وأصبحت عميلة وفاسدة…

Advertisements

الحبيب حمام
ـ وكان المفروض أنها تقاوم الفساد، وكان لزم تشد الجبل…
• لا عاد، شنوّه جبل! الجبل فيه داعش.
ـ مالى كان المفروض أنها تنزل في الحكومة ركبة، وتقلب الدنيا عليها وتتعاون مع الاتحاد للإطاحة بيها…
• لا عاد، شنوّه اتحاد! الاتحاد في يد الجبهة.
ـ مالى كان المفروض أنها ساعة ساعة تتكلم على الفساد، وتكتب مقال منا، وتشارك في بلاتو منا…
• لا عاد، شنوّه مقال! يعمل فيها المرزوقي والحراك، وما جابت شي.
ـ مالى كان المفروض أنها تقلب الدنيا في مجلس نواب الشعب…
• لا عاد، شنوّه مجلس نواب الشعب! يعمل فيها سالم الأبيض وسامية عبو وما جابت شي.
ـ مالى كان المفروض أنها في مجلس نواب الشعب تغزر على اليمين واليسار، وفين ماشي التصويت تاقف ضدو…
• لا عاد، ولاّت حزب الضدّ، اختصاص حمّه، وحقوق الطبع محفوظة، وما جابت شي.
ـ مالى كان المفروض تنبّر كيفي أنا على الفايسبوك…
•لا عاد، نبارة الفايسبوك مالين الدنيا، يتباعوا بالكيلو، وما عملوا شي.
ـ مالى كان المفروض ترجع للحبس، وتهجّ من البلاد…
• ما فمّش اعتراض، فكرة باهية.
والبلاد شكون باها؟ ما نيش أنا، على كل حال، أنا مهمّتي نقول ليكم آشكون غالط، ونعطيه على راسه.

شاهد أيضاً

قسيس منكود الحظ

الحبيب حمام اجتمع أهل القرية حول حدث طريف، فاستغل القسيس هذه المناسبة الإعلامية، فصعد على …

إجتماع المكتب التنفيذي للنهضة..

الحبيب حمام في أفريل 2012، اجتمع المكتب التنفيذي للنهضة. • رئيس الجلسة: فمش حاجه ناقشوها …