الثلاثاء ، 21 نوفمبر 2017
الرئيسية / تدوينات / تدوينات تونسية / يوسف صديق… يحاضر في فلسطين عن أخطاء القرآن

يوسف صديق… يحاضر في فلسطين عن أخطاء القرآن

الحبيب حمام

• تو أنت في بالك وإلا لا؟

ـ باش يا خويا؟

• قالك في القرآن أخطاء.

ـ آبي، فينا هذي؟

• ما فاقش بيها جهابذة العرب، اللي المزمر فيهم كيف تهرب عليه الناقة متاعو يقول فيها بيت شعر، يتدرّس في الجامعات اليوم.

ـ مالى شكون فاق بيها؟

• يوسف صديق… مشى الفلسطين، ما حكاش على المقاومة، حكى على أخطاء القرآن.

ـ يزي تفدلك، هذاك اللي كيف يقول كلمتين بالعربية الفصحى يغلط 3 مرات؟

• وما فاقش بيها فصحاء قريش كيما الوليد بن المغيرة اللي كانوا يستناوا في الدورة شطر غلطة في القرآن.

ـ بالله موش قالوا كان فمّه أصحاب المُعلقات العشر؟ قالوا زبدة الزبدة متاع الأدب العربي، آش عملوا هاذم لما سمعوا القرآن؟ أكيد طلعوا الغلاط اللي فيه الكل.

• ماتوا كلهم قبل نزول الوحي إلا زوز.

ـ أكيد ها الزوز فلاووه القرآن باش يطلعوا عيوبه.

• هو كذلك، لبيد بن ربيعة العامِري، صاحب آخر معلقة، وقيل أجملها، أسلم جمله وحده، وما زادش كتب بيت شعر واحد بعدما درس القرآن، وأصبح صحابيا.

ـ آبي، لبيد بن ربيعة أصبح صحابيا، ويوسف الصديق أصبح شيقول فمي. إيه ولاخر أكيد دخل ترينو في القرآن.

• كلمة لا، الأعشى ميمون البكري ما حلش فمّه.

ـ آبي، الأعشى وما أدراك، ما حلش فمّه، وصاحبنا حال فمه كيلوميتر صباح وليل، يكونشي سي يوسف ناوي على المعلقة رقم 11؟ إيه وأبو الأسود الدؤلي وسبويه، أكيد طلعوا عيوب القرآن؟

• يا ولدي علوم البيان والنحو والصرف والبلاغة… أنتجها القرآن، أبو الأسود الدؤلي وسبويه وغيرهم كانوا ينطلقون من القرآن لاستخلاص قوانين النحو والصرف.

ـ منين جابوه مالى يوسف صديق؟

شاهد أيضاً

إلى جماعة “الحجّاج”

أحمد الغيلوفي أولا: كم مرَ علينا من حجاج: من حمورابي الي ابي العباس السفاح الي ...

اترك رد